एचकेनेपाल डट कम संवाददाता-
क्यानडा। “बुद्ध वाज बर्न इन नेपाल” गीत बिभिन्न देशमा गाउँदै हिडने गायक धीरज राई लुम्बिनी-कपिलवस्तु दिवस अभियानका सांस्कृतिक दूतको रुपमा नियुक्त भएका छन्।
क्यानडामा बुद्ध जयन्ती मनाउने क्रममा मनाइएको एक कार्यक्रमका बीच अभियानका विश्व संयोजक रामकुमार श्रेष्ठद्धारा हस्ताक्षरित सांस्कृतिकदूतको नियुक्ति पत्र अभियानका विश्व कार्य समितिका क्यानडा संयोजक चन्द्र राई र अबैतनिक महाबाणिज्यदूत डा. कुन्जर शर्माले संयुक्त रुपमा हस्तान्तरण गरेका हुन्।
त्यसरी नै हालै अभियानको सहयोगमा नेपाली संचारद्धारा बुद्ध र लुम्बिनीमा केन्द्रित भएर बिभिन्न पक्षबाट लुम्बिनीको प्रश्नमा सम्बद्ध बिभिन्न पार्टी नेता, कुटनीतिक नियोगका प्रमुख, बुद्धिजीबी, पत्रकार, कलाकार, बिदेशीहरुसंग लुम्बिनी र बुद्ध बिषयमा केन्द्रित छलफल र कुराकानीमा आधारित २५ घण्टे कार्यक्रममा महत्वपूर्ण र आकर्षक प्रस्तुती गर्ने १४ बर्षीय आर्य पोखरेललाई बिद्यार्थीदूतको रुपमा नियुक्त गर्ने घोषणा अभियानले गरेको छ।
मोक्तान फोटो
यसअघि, अभियानका सांस्कृतिक दूतको रुपमा प्रेमराजा महत, मनोज गजुरेल, जीवन शर्मा, बद्री पंगेनी र प्रमोद खरेल नियुक्त भैसकेका छन्।
सम्बन्धित लिङ्कहरू-
बुद्धको सन्देश लिएर धीरजले विश्व सांगीतिक भ्रमण गर्ने
धीरज राईलगायतका कलाकारहरु सडकमा
हामीसंगै रहनको लागिः फेसबुक | ट्विटर | गुगल प्लस
