रविन लिङदेन / एचकेनेपाल डट कम –
हङकङ, २ मे। १२५ औं अन्तर्राष्ट्रिय मजदुर दिवस विहीवार मध्यान्ह यहाँ विभिन्न देशका मजदुर संगठनहरुको सहभागितामा लाखौं श्रमिकहरुले एकसाथ मनाए।
तस्वीरः जगतअम्बु गुरूङ र रविन लिङदेन / एचकेनेपाल डट कम
श्रमिकहरुको विभिन्न नारासहित अढाई घण्टाको र्यालीमा ‘एकीकृत नेपाली मञ्च हङकङ’, ‘ओभरसिस नेपाली वर्कअर युनियन’, ‘घरेलु कामदार युनियन’, ‘नेपाली निर्माण कामदार युनियन हङकङ’, सुदूर पूर्वी प्रवासी नेपाली संघलगायत विभिन्न नेपाली संघ–सस्थाहरुले र्यालीमा भाग लिएका थिए।
एकिकृत नेपाली मञ्चको ब्यानरमा सहभागिता भएको र्यालीमा एनेकपा माओवादी पार्टी तथा पार्टीको जातिय मोर्चा लिम्बुवान, तमुवान, मगर, किराती राष्ट्रिय मुक्ति मोर्चाहरुको आ–आफ्नो प्लेकार्डसहित सहभागी थिए।
हङकङमा हुने मे डे अर्थात अन्तर्राष्ट्रिय मजदुर दिवसको अवसरमा हरेक वर्ष यहाँको नेपाली संघ–सस्थाहरुले भाग लिदै आएको छ । मे डे मा भाग लिने नेपालीहरुको विभिन्न संघ–सस्थाहरुले हरेक वर्ष आ–आफ्नै माग पत्र वुझाउदै आएका छन् ।
“वी आर वर्कअर–वी आर नट सेभ” अर्थात हामी कामदार हौं– हामी सुरक्षित छैनौं। विश्वको मजदुर एक होऔंं। मजदुर एकता जिन्दावाद। आकासिंदो महंगी नियन्त्रण गर। श्रमिक वेतन बृद्धि गर। नेपाली कामदारमाथिको भिषा प्रतिवन्ध फुकुवा गर। समान कामको समान ज्याला देउ। आइएलओ महासन्धि पूरा गर जस्ता नाराहरु थिए।
कजवे बेस्थित भिक्टोरिया पार्कबाट सुरु भएको लाखौं मजदुरहरुको र्यालि हङकङ कार्यकारी प्रमुखको कार्यालय भवनको प्राङ्गणमा पुगेर सभामा परिणत भएको थियो। सभामा यहाँका स्थानीय चाइनिज संघ–सस्था, नेपालीलगायत विभिन्न देशका श्रमिक संगठनहरुले कार्यकारी प्रमुख सि वाई ल्योङलाई आ–आफ्नो माग पत्र बुझाएका थिए। र्यालिमा करीव ६० प्रतिशत महिला कामदारहरु सहभागी थिए।
हामीसंगै रहनको लागिः फेसबुक | ट्विटर | गुगल प्लस
