सौरभ श्रेष्ठ / एचकेनेपाल डट कम-
सांगीतिक टुरको सिलसिलामा लण्डन, स्विजरल्याण्ड, वेल्जियम र अष्ट्रेलिया पुगेका राजेशपायल राईले सबैतिर आफ्नो सांगीतिक प्रस्तुतिबाट दरिलो उपस्थिति जनाएका छन्।
दशैं लगतै नेपाल छाडेका राजेशले लगभग तीन महिनादेखि आफ्नो सांगीतिक वल्र्ड टुरमा व्यस्त छन्।
यसै बीच, उनले अष्ट्रेलियाको कन्सर्टमा गएको मौका छोपी आफ्नो आगामी एलवम ‘दर्शन नमस्ते-२’ को म्युजिक भिडियो तयार गरेका छन्। नेपाली नयाँ वर्षसंगै बजारमा ल्याउने तयारी गरिएको दर्शन नमस्ते २ को उक्त गीतको भिडियो निर्देशन दिपेश श्रेष्ठले गरेका हुन्।
नेपाल छँदा हिट्स एफ.एम.का आर.जे. समेत रहिसकेका दिपेश हाल अष्ट्रेलियामा रेडियो झट्का नामक अनलाइन रेडियो चलाउँदै आएका छन्। नेपाल फर्के लगतै दर्शन नमस्ते २ का बाँकी गीतहरु रेकडिङ गर्न तयारीमा रहेका राजेशलाई गीत गाउन लगाउन अहिले धेरै फिल्मकर्मीहरु र एल्वम निर्माताहरु उनलाई कुरेर बसिरहेका छन्।
हाल लण्डनमा रहेका राजेशलाई लण्डनमै रहेका उनका आमा–वाबा र दिदीले विहेको लागि उनलाई दवाव दिइरहेका छन्। राजेश भने आफ्नो व्यस्तताले गर्दा विहेको कुरा टार्दै आएका छन्। तर २०७० सालभित्र चाहि उनले विहे गर्ने मनस्थिति बनाइसकेका छन्।
Join Us:
YouTube: http://www.youtube.com/HKNepal
Like Facebook Fan Page: http://alturl.com/uvemh
Twitter: http://alturl.com/ffko4
Google+: http://alturl.com/fsu8b
हामीसंगै रहनको लागिः फेसबुक | ट्विटर | गुगल प्लस
