एचकेनेपाल डट कम संवाददाता-
काठमाडौं २२ पौष । गोरखाको आरुघाटमा आगामी पौष २७ देखि माघ २ गतेसम्म आयोजना हुने प्रथम आरुघाट महोत्सव २०६९ सम्पूर्ण तयारी पूरा भएको छ।
आईतबार रिपोर्टर्स क्लब नेपालमा पत्रकार सम्मेलन गरेर आयोजकले महोत्सवको सम्पूर्ण तयारी पूरा भएको जानकारी दिएको हो।
आरुघाट र त्यस वरपरका विभिन्न जातजातिहरुको कला संस्कृति र सामाजिक बनौटको ऐतिहासिक, धार्मिक र पुरातात्विक महत्वका सम्पदाहरुको प्रचार–प्रसार गरी त्यसको संरक्षण एवं सम्बद्र्धनमा योगदान पुर्याउन महोत्सव आयोजना गर्न लागिएको हो।
आयोजकले कृषिजन्य उत्पादन तथा जडीबुटीहरुको बजार व्यवस्थापन गरी ग्रामिण अर्थतन्त्रको विकास गर्ने, आन्तरिक तथा वाह्य पर्यटनको विकास गर्ने उद्देश्य राखेर महोत्सव गर्न लागेको पत्रकार सम्मेलनमा जानकारी दिईयो।
महोत्सवको उद्घाटन समारोहमा एकीकृत नेकपा माओवादीका अध्यक्ष पुष्पकमल दाहाल, नेपाली काँग्रेसका सभापति शुशिल कोईराला र एमालेका अध्यक्ष झलनाथ खनाललगायतका शिर्ष नेताहरुको उपस्थिति रहने आयोजकले जानकारी दिए।
पौष २७ गते उद्घाटन गरिने महोत्सवमा विभिन्न जनजातिहरुको कला संस्कृति झल्कने सांस्कृतिक झाँकीका साथै ¥याली प्रदर्शन गरिने छ भने २८ गते राष्ट्रिय स्तरका कलाकारहरुबाट साँगीतिक तथा हाँस्य कार्यक्रम, लोक दोहोरी प्रतियोगिताको समेत आयोजन गरिने पत्रकार सम्मेलन जानकारी गराईयो।
यसै गरी पौष २९ झ्याँईकुटी झ्याइँका कलाकारहरुको प्रस्तुति रहेको छ भने सोही दिन बक्तित्वकला र लोक दोहोरी प्रस्तुत गरिने छ।
माघ २ गतेसम्म चल्ने महोत्सवमा मेरी बास्सैका कलाकार र गायक शिव परियारलेसमेत साँगीतिक कार्यक्रममा सहभागी जनाउने आयोजकले बताएका छन्।
आर्थिक उन्नयनको आधार मनास्लु पर्यटन विकासको पूर्वाधार भन्ने मूल नारा दिएर सुरु हुन लागेको प्रथम आरुघाट महोत्सवमा हेलिकोप्टरबाट दृश्यावलोकन र ¥याप्mटीङको समेत मनोरञ्जन लिन पाईने पूर्व राज्यमन्त्री चिनकाजी श्रेष्ठले जानकारी दिए।
पत्रत्रकार सम्मेलनमा डा. कृष्णकुमार श्रेष्ठ, गैरआवासीय नेपाली संघका कोषाध्यक्ष भवन भट्ट, बुद्धी पुडासैनी लगायतका वक्ताहरुले आरुघाट महोत्सवको बारेमा धारणा राखेका थिए।
Join Us:
YouTube: http://www.youtube.com/HKNepal
Like Facebook Fan Page: http://alturl.com/uvemh
Twitter: http://alturl.com/ffko4
Google+: http://alturl.com/fsu8b
हामीसंगै रहनको लागिः फेसबुक | ट्विटर | गुगल प्लस
