एचकेनेपाल डट कम संवाददाता-
काठमाडौ,२२ पुस । नेपाली काग्रेसकी केन्द्रीय सदस्य सुजाता कोइरालाले सहमतिको प्रधानमन्त्रीको रुपमा नाम दिनु भएका काग्रेस सभापति सुशिल कोइराला उमेदवारी फिर्ता लिन तयार रहेको खुलासा गरेकी छिन्।
रिपोर्टर्स क्लब नेपालले आईतवार आयोजना गरेको साक्षात्कारमा उनले सभापति कोइराला कहिले पनि प्रधानमन्त्री पदको लागि ईच्छुक नभएको स्पष्ट पार्दै नेकपा एमालेले दवाव दिएको कारण मात्र उमेदवारी प्रस्तुत गरेको बताईन्।
साक्षात्कारमा नेतृ कोइरालाले नेपालको राजनीति एमाओवादी र काग्रेसको वरीपरी घुमेकोले यि दुई दल मिलेर नै मुलुकलाई निकास दिनु पर्ने सुझाव दिईन्।
उनले प्रचण्डको प्रस्ताव अनुसार गृहमन्त्रालय लिएर काग्रेस अहिलेको सरकारमा जानु पर्ने धारणा राख्दै पार्टीलाई साईडमा राखेर मुलुकलाई फाईदा हुन्छ भने काग्रेसले त्यस्तो निर्णय गरेर मुलुकलाई निकास दिनु पर्ने बताईन्।
साक्षात्कारमा प्रधानमन्त्रीका प्रमुख राजनीतिक सल्लाहकार देबेन्द्र पौडेल सुनिलले अहिलेको सरकारलाई सहमतिको स्वरुप दिएर सबै वाधा फुकाएर निर्वाचनमा जानु नै अहिलेको लागि सबैभन्दा सहज उपाय भएको भन्दै पुस २५ गतेसम्म सहमति नभए संविधानसभाको पुनःस्थापनामा जानु पर्ने तर्क गरे। उनले भने–धेरैको चाहना पनि पुनःस्थापना नै हो। फेरि यसले खर्च बचाएर मुलुकलाई निकास पनि दिन्छ।
Join Us:
YouTube: http://www.youtube.com/HKNepal
Like Facebook Fan Page: http://alturl.com/uvemh
Twitter: http://alturl.com/ffko4
Google+: http://alturl.com/fsu8b
हामीसंगै रहनको लागिः फेसबुक | ट्विटर | गुगल प्लस
