एचकेनेपाल डट कम संवाददाता-
भक्तपुर, २२ पौष। आगलागीबाट शनिवार राति भक्तपुरमा एकै घरका ३ जना सदस्यको मृत्यु भएको छ।
मृत्यु हुनेहरुमा भक्तपुर नगरपालिका वडा नम्बर १ सुर्यमढी तौलाछेका पूर्णभक्त प्रजापतिकी श्रीमती ६४ वर्षीया लक्ष्मीकेशरी तथा छोरीहरु ३९ वर्षीया पार्वती र २६ वर्षीया सजना प्रजापति रहेका छन्।
राति करीव १२ बजेतिर आगलागी हुंदा छोरीहरुलाई उठाउन जाँदा लक्ष्मीकेशरीको जलेर मृत्यु भएको प्रहरीले जनाएको छ। मृतक छोरीहरु चौथौं तलामा सुतेका थिए। पूर्णभक्तकी कान्छी सृजना भने आगलागी भएको थाहा पाएर बाहिर भागेपछि बाँच्न सफल भएकी छन्।
आगो निभाउन ७ वटा दमकल प्रयोग भएपनि बिहान ३ बजे मात्र आगो पूर्णरुपमा नियन्त्रणमा आएको थियो।
पूर्णभक्तको घरमा राति अबेरसम्म भोज चलेको र तेस्रो तलामा बालिएको आगो ननिभाइ सुतेकाले त्यसैबाट आगलागी भएको प्रहरीले अनुमान गरेको छ। आगलागीबाट करीव ३० लाखभन्दा बढी धनमाल जलेर नष्ट भएको प्रहरीले जनाएको छ।
Join Us:
YouTube: http://www.youtube.com/HKNepal
Like Facebook Fan Page: http://alturl.com/uvemh
Twitter: http://alturl.com/ffko4
Google+: http://alturl.com/fsu8b
हामीसंगै रहनको लागिः फेसबुक | ट्विटर | गुगल प्लस
