चन्द्र मादेन / एचकेनेपाल डट कम-
हङकङ, १ जनवरी। मादेन परिवार उत्थान सेवा समिति हङकङको आयोजनामा स्थानीय पार्क भ्यू, हङकङ कन्ट्रीपार्कमा बिबिक्यूसहित चासोक र नयाँ वर्षको उत्सव सम्पन्न गरेको छ।
लिम्वू जातिहरूको मौलिक चार्ड चासोक तङ्नाम र नयाँवर्ष २०१३ को अवसरमा छोरी चेली, भाना भान्जा र ज्वाँई चेलाहरू गरि करिव एक सय जना सहभागी थिए।
उत्थान सेवा समितिले जेष्ठ मादेन दलबहादुर मादेन र साईनोमा जेठो श्याम मादेनद्वारा ज्वाई चेलाहरूलाई खदा र माला लगाई दिएका थिए। बालबालिकाहरूका लागि बेलुन फुटाउने मनोरञ्जनात्मक खेलदेखि लिएर वृद्व र यूवा सवैको लागि माटोको हाँडी फुटाउने रोमाञ्चकारी प्रतियोगिता गरिएको थियो।
मादेन परिवार उसे समितिका संयोजक चन्द्र मादेन ‘आन्छन्’, सदस्यहरू नारायण मादेन, रमेश मादेन र काली व मादेनद्वारा विभिन्न खेल प्रतियोगिता खेलाईने र नतिजा घोषणा गर्ने गरिएको थियो। उक्त खेलहरूका प्रथम, द्वितीय र तृतीय खेलाडीहरूलाई समितिका पूर्व अध्यक्ष एवं सल्लाहकार राजकुमार मादेनद्वारा पुरस्कार वितरण गरिएको थियो।
कार्यक्रममा कियाचुका पूर्वअध्यक्ष भक्त मादेन, रि. लेप्टेन कृतिमान मादेन, एभ्रेष्ट टाईकोण्डोका अध्यक्ष एवं समाजसेवी रवीन कुमार नाल्वो, समाजसेवी प्रकाश फोम्वो, वुद्विजीवीहरू भीम मादेन, अमर मादेनलगायत भद्रभलादमीहरूको उपस्थित रहेको थियो।
कार्यक्रममा उपस्थित सवैले एकआपसमा शुभकामना आदन प्रदान गरेर साँझ सात वजेसम्म मनोरञ्जन गरेका थिए।
Join Us:
YouTube: http://www.youtube.com/HKNepal
Like Facebook Fan Page: http://alturl.com/uvemh
Twitter: http://alturl.com/ffko4
Google+: http://alturl.com/fsu8b
हामीसंगै रहनको लागिः फेसबुक | ट्विटर | गुगल प्लस
