घनेन्द्र बराल / एचकेनेपाल डट कम-
बैदेशिक रोजगारको शिलशिलामा कतारमा रहेका पूर्वेली गायक गौरभ दर्पण (गंगा गौतम) को आधुनिक गीति संग्रह ‘अराइभल’ हालै बजारमा आएको छ। पहिलो एल्वम ‘पाइला’को सफलता पछि उनले दोस्रो एल्वम निकालेका हुन्।
पहिलो पाईलामा समावेश गरिएको ‘जता हेरे पनि हजुर पूर्वै रमाइलो…’ बोलको गीतले पूर्वाञ्चल लोकदोहोरी गीत प्रतियोगितामा प्रथम भएको थियो।
पहिलो एल्वम निकै चर्चामा आए पछि आफूलाई गीत संगीत क्षेत्रमै लागेर क्यारियर बनाउन प्रेरणा मिलेको उनले बताए।
मोरङ्गको पथरी–९ का स्थायी बासिन्दा उनले आफ्ना एल्बममा गाउँले परिवेशलाई निकै स्थान दिएका छन्। रोजगारीको शिलशिलामा कतारमा रहेर पनि नेपाली सांगितिक यात्रालाई निरन्तरता दिएका उनले दोस्रो एल्बम अराइभलको विमोचन पनि कतारमै गरेका थिए।
‘मेरो गाउँ नै प्यारो तिम्रो शहर भन्दा, तोङबा तान्नु सरर रक्सी तान्नु स्वाटलगायतका गीतहरु अहिले चर्चामा छन्। सांगीतिक गीति संग्रहमा गौरभ दर्पणसँगै जुनु रिजाल काफ्ले, राजेन्द्र महरा, आशिस रिजाललगायतका चर्चित कलाकारहरुले स्वर दिएका छन्।
उक्त एल्बममा अहिलेको बालबालिका, युवा वर्ग र बुढा पाका सबैको मन छुने सांगीतिक कोशेली बजारमा ल्याएको गायक दर्पण बताउँछन्। बाह्रवटा सुमधुर गीतहरु भएको सो एल्वम नेप्लिज कल्चर सेन्टर कतारले बजारमा ल्याएको हो।
Join Us:
YouTube: http://www.youtube.com/HKNepal
Like Facebook Fan Page: http://alturl.com/uvemh
Twitter: http://alturl.com/ffko4
Google+: http://alturl.com/fsu8b
हामीसंगै रहनको लागिः फेसबुक | ट्विटर | गुगल प्लस
