आर.सि.एन / एचकेनेपाल डट कम-
बीरगञ्ज, २० फागुन । द लिड इन्टरटेण्टमेण्ट एण्ड एडभरटाइजिङ्गको आयोजनामा हुने मिस्टर नारायाणी बडिबिल्डिङ कम्पिटिशन २०१२ कार्यक्रममा सहभागी हुन इण्डियन आइडल प्रशान्त तामाङ वीरगञ्जमा आउने भएका छन्।
बीरगञ्जको आर्दश नगर रङ्गशालामा बैशाख ९ गते शनिबार बिहान ११ बजेदेखि साँझ ८ बजेसम्म चल्ने कार्यक्रममा प्रशान्त तामाङसहित नेपालका गायक आशुसेष लामा, निशेष र निमेष श्रेष्ठलगायतले आफ्ना साँगीतिक प्रस्तुत दिने द लिड इन्टरटेण्टमेण्ट एण्ड एडभरटाइजिङ्ग पर्साका अध्यक्ष बिमल खड्कीले बताए।
कार्यक्रमको लागि जिल्ला प्रशासन कार्यालय पर्सा प्रमुख जिल्ला अधिकारीलगायत शान्ति सुराक्षाको ब्यवस्थासमेत गरिसकेको अध्यक्ष खड्कीले बताए।
नारायाणी अञ्चलको पर्सा बारा, रौतहट, मकवानपुर र चितवनका बडि बिल्डिङ्गका संघ संस्थाहरुलाई पत्रचार गरिसकेको बताउंदै कम्तीमा पाँच जिल्लाबाट ५० जनाको सहभागिता खडकीले कार्यक्रममा बताए।
प्रतियोगितामा प्रथम र दोस्रो स्थान प्राप्त गर्ने खेलाडीलाई शिल्ड तथा नगद पुरस्कारको ब्यवस्था र तेस्रो स्थान प्राप्त गर्नेलाई शिल्ड बितरण गरिनुको साथै उक्त खेलमा सबै भन्दा उत्कृष्ट प्रदर्शन गर्ने खेलाडीलाई बिशेष पुरस्कारको समेत ब्यवस्था गरिएको अध्यक्ष खड्कीले जानकारी थिए।
हामीसंगै रहनको लागिः फेसबुक | ट्विटर | गुगल प्लस
