केजिन राई /एचकेनेपाल डट कम-
ब्रसेल्स बेल्जियम, २९ नोभेम्बर। नेपालका चर्चित गायक तथा गायिका राजेशपायल राई र गायिका इन्दिरा जोशी साँगीतिक यात्राको क्रममा युरोप आइपुगेका छन्।
नमस्ते इन्टरट्रेनमेंट प्रालीको प्रायोजनमा हुने ‘नमस्ते यूरोप सांगीतिक यात्रा २०१२’ को लागि उनीहरु यूरोप आई पुगेका हुन्।
बेलायतमा भाई तिहार मनाउदै लन्डनबाट सिधै जुरिच स्विटजरल्याण्ड पुगेका नेपाली साँगीतिक क्षेत्रका नम्बर एक गायक राजेश पायलले पहिलो पटक यूरोपमा आफ्नो सांगीतिक प्रस्तुति पस्कदै छन्। त्यसैगरी, उनलाई नेपालकी साकिराले चर्चित गायिका इन्दिरा जोशीले साथ दिने छिन्।
उनले हामबर्ग जर्मनीमा ६ डिसेम्बर र बेल्जियमको लुभेनमा ८ डिसेम्बरमा कार्यक्रम गर्ने तय भई सकेको नमस्ते इन्टरट्रेनमेंट पालिका निर्देशक पाल्देन शेर्पा पिनासाले यस संवाददातालाई बताए। उनका अनुसार जुरिचमा जनसम्पर्कसमिति हामबर्गमा संयुक्त रूपमा र लुभेनमा शेर्पा किदुक समाज बेल्जियमले कार्यक्रम गर्नेछन् भने अन्य ठाउहरुमा मिति तय भई सकेको छैन। त्यसै गरी, बेलायत आशफोर्डमा १४ डिसेम्बर, हयारो लण्डन १५ तारिख र २२ तारिख मेडिस्टोनमा किरात राई यायोक्खा बेलायतका उप-शाखाहरूद्वारा राजेश पायल एकल साझको तयारी भइरहेको बुझिएको छ।
Join Us:
YouTube: http://www.youtube.com/HKNepal
Like Facebook Fan Page: http://alturl.com/uvemh
Twitter: http://alturl.com/ffko4
Google+: http://alturl.com/fsu8b
हामीसंगै रहनको लागिः फेसबुक | ट्विटर | गुगल प्लस
