एचकेनेपाल डट कम संवाददाता-
कास्की, २८ असोज । पोखरामा आइतवार सम्पन्न अन्तर लायन्स सेभेन ए साईड फुटवल प्रतियोगिताको उपाधि आयोजक लायन्स क्लब अफ पोखरा पिस सिटीले जितेको छ।
लायन्स क्लब अफ हेम्जालाई पिस सिटीले १०–० को विशाल गोल अन्तरले पराजित गर्दै २५ हजार ५ सय ५५ नगद सहित ट्रफि र मेडल प्राप्त ग¥यो भने उपविजेता टिम हेम्जाले १५ हजार ५ सय ५५ रुपयाँ नगद सहित ट्रफि र मेडल हात पारेको छ। प्रतियोगिताको अनुशासित टिमको उपाधि भने पोखराकै पुरानो क्लब पोखरा अन्नपूर्णले हात पा¥यो।
पोखराको बाराही ढुङ्गाघाट खेल मैदानमा सम्पन्न फाईनल खेलमा आयोजक पिस सिटीको तर्फबाट बलराम केसीले ४, डा असिम सुवेदीले ३, दिवस कुँवरले २ र शैलेस रायमाझीले १ गोलको योगदान गरेका थिए भने उप विजेता टिम हेम्जाको कुनै पनि गोल हुन सकेन। उक्त खेलमा म्यान अफ दि म्याच हेम्जाका सुजित श्रेष्ठ घोषिात भए।
गत असोज २५ गतेदेखि २८ गते सम्म पोखराको बाराही डुङ्गाघाट खेल मैदानमा सम्पन्न प्रतियोगिताको उत्कृष्ट खेलाडी लायन्स क्लब अफ पोखरा पिस चौतारीका अर्जुन सिग्देल, सर्वाधिक गोलकर्ता आयोजक पिस सिटिका बलराम केसी, उत्कृष्ट गोल रक्षक आयोजक क्लबकै समुन्द्र देवकोटा घोषित भए। खेल अवधीभर सर्वाधिक गोल कर्ता केसीले १४ गोल गरेका थिए।
उत्कृष्ट खेलाडी, उत्कृष्ट गोल रक्षक र सर्वाधिक गोल कर्ता खेलाडीले क्रमश ः नगद २÷२ हजार र मेडल र अनुशासित टिमले ट्रफि र प्रमाणपत्र प्राप्त गरेका थिए। प्रतियोगितामा कास्की जिल्लाभित्र रहेका २१ वटा लायन्स क्लबहरुले भाग लिएका थिए।
Join Us:
YouTube: http://www.youtube.com/HKNepal
Like Facebook Fan Page: http://alturl.com/uvemh
Twitter: http://alturl.com/ffko4
Google+: http://alturl.com/fsu8b
हामीसंगै रहनको लागिः फेसबुक | ट्विटर | गुगल प्लस
