सौरभ श्रेष्ठ / एचकेनेपाल डट कम-
धरान, २३ असोज । आउँदो शनिबार धरानको निर्वाणा कन्ट्री क्लबमा आयोजना हुने ‘सिग्राम्स रोयल स्टाग फेशन ईण्डस– २०१२’ का लागि कोरियोग्राफर प्रियारानी लामाको कोरियोग्राफीमा डाक्टर तथा मोडलहरु र्याम्प मोडलिङको ट्रेनिङ लिन व्यस्त छन्।
स्थानीय मोडलहरु पूजा लामा, अमिना पाख्रिन, चन्द्रिका मोते, ज्योति श्रेष्ठ, सपना श्रेष्ठ, कञ्चन तामाङ र सरल श्रेष्ठसँगै मिस पूर्वाञ्चल–२०१२ अस्मिता गुरुङ, फस्ट रनर–अप सन्दिपा लिम्बू र मिस लिम्बू फस्ट रनर–अप डा. एलिसा वनेम लिम्बू शनिबारको फेशन शोमा ¥याम्प नाप्ने स्टाइलमा पोख्त हुन दैनिक ट्रेनिङ लिइरहेका छन्।
थुप्रै र्याम्प शो तथा मिस पूर्वाञ्चलको कोरियोग्राफी अनुभव सम्हालिसकेकी प्रियारानीले ती मोडल र डाक्टरहरुलाई क्याटवक गर्न सिकाइरहेकी छिन् । मोडलिङभन्दा भिन्न क्षेत्रका हस्तीहरुलाई क्याटवक गर्न सिकाउँदा रमाइलो अनुभव भइरहेको उनी बताउँछिन्। पेशाले डाक्टर भए पनि सहभागी सबै डाक्टर मोडलभन्दा कम नभएको उनको ठम्याइ छ।
बीपी कोइराला स्वास्थ्य प्रतिष्ठानमा कार्यरत् मेडिसिन विभागका प्रोफेसर डा. नरेन्द्र भट्ट, बाल विभागका प्रोफेसर डा. नीशा भट्ट, गाइनो विभागका एसिस्टेण्ट प्रोफेसर डा. तरुण प्रधान, बाल विभागका एसिस्टेण्ट प्रोफेसर डा. मनोज श्रीवास्तव, गाइनो विभागका एसिस्टेण्ट प्रोफेसर डा. अजय अग्रवाल, डा. ज्योति अग्रवाल र धरान इमेजिङ एण्ड रिसर्च सेन्टरका वरिष्ठ रेडियोलोजिष्ट डा. एलिन सुन्दासलगायतका डाक्टरहरु व्यस्त समयबाट फुर्सद निकालेर कोरियोग्राफर लामासँग अभ्यासरत् छन्।
‘¥याम्पमा हिँड्न सजिलो नै त छैन तर अप्ठयारो पनि रैनछ’, वरिष्ठ रेडियोलोजिष्ट डा. एलिन सुन्दासको तीन दिनको ¥याम्प अभ्यासको अनुभव सुनाए। बि.सं. २०४५ सालमा भ्वाइस टेस्ट पास गरी रेडियो नेपालमा ‘कसरी बिर्सुं’ बोलको गीत रेकर्डसमेत गराएका डा. सुन्दास आप्mना साथीभाइमाझ राम्रा गायकका रुपमा पनि चिनिन्छन् । आप्mनो एल्बमका लागि आपैंm संगीत, शब्द, गायन तथा संगीत संयोजनसमेत गर्ने उनी फेसन शोको ¥याम्पमा हिँड्ने कुरा आउँदा शुरुमा अप्ठ्यारो लागे पनि अहिले चाहिं साँच्चिकै मोडल भइएछ कि जस्तो अनुभव गरेको बताउँछन्।
एमबीबीएस पढ्दाताका कलेजमा भएको कार्यक्रममा ¥याम्प मोडलिङको अनुभव गरिसकेकी डा. नीशा अग्रवाल लामो समयपछि ¥याम्पमा हिँड्न पाउँदा एकदमै उत्साहित छिन् । उनी आप्mना पति डा. अजय अग्रवालसँगै ¥याम्पमा हिँड्दैछिन् । यस्तै डा. नीशा भट्ट र डा. नरेन्द्र भट्टको जोडी पनि उत्साहका साथ ¥याम्पमा हिँड्न अभ्यासरत् छ।
फेशन शोमा नयाँ रङ्ग दिन मोडलहरुसँगै डाक्टरहरुलाई पनि ¥याम्पमा हिँडाउन लागिएको कार्यक्रम आयोजक हाइट इभेन्टका छत्र लिम्बूले बताए । शोमा चर्चित फेशन डिजाइनर उत्तम बनेपालीको डिजाइनमा तयार भएका नयाँ डिजाइनका विभिन्न खाले पोशाकमा हालकी मिस नेपाल सृष्टी श्रेष्ठसँगै पहिलो मिस नेपाल रुवी राणा, मिस नेपाल–२०१० सदीक्षा श्रेष्ठ, मिस नेपाल इन्टरनेसनल–२०११ सरिना मास्के, नायिका नम्रता श्रेष्ठ, नायिका रीया विश्वकर्मा, मोडल हेमा श्रेष्ठ, नायक जीवन लुइँटेल, हेयर स्टाइलिष्ट नील डेविड, नेपाल स्टार विष्णु चेम्जोङसँगै मोडलहरु रोशन श्रेष्ठ, प्रज्ञा श्रेष्ठ, नमित चन्द्र ठकुरी र राजकुमार तामाङ र प्रज्जल गिरी, धरानका ट्राफिक इन्स्पेक्टर मुकुन्दप्रसाद रिजाल लगायतका ३ दर्जन मोडल तथा सेलिब्रेटीले ¥याम्प नाप्नेछन् । करीब २ घण्टा हुने कार्यक्रमका लागि भव्य स्टेज तथा साउण्ड र लाइट सिस्टमको व्यवस्था गर्न लागिएको छ । कार्यक्रममा मौसमी गुरुङ, डिल्ली फोम्बो, डा. एलिन सुन्दास, प्रदेश लिम्बू र विष्णु चेम्जोङको गायन प्रस्तुती समेत रहनेछ । हाइट इभेन्ट र सिलभर इन्टरटेण्टमेण्टको आयोजना तथा व्यवस्थापनमा कार्यक्रम हुन लागेको हो । धरान–८ स्थित ल्याबोरेटोरी माविको सहयोगार्थ कार्यक्रम गर्न लागिएको आयोजकले जनाएको छ।
Join Us:
YouTube: http://www.youtube.com/HKNepal
Like Facebook Fan Page: http://alturl.com/uvemh
Twitter: http://alturl.com/ffko4
Google+: http://alturl.com/fsu8b
हामीसंगै रहनको लागिः फेसबुक | ट्विटर | गुगल प्लस
