एचकेनेपाल डट कम संवाददाता-
काठमाडौं, १२ असोज । पोखराका स्वतन्त्र फोटो पत्रकार तथा एचकेनेपाल डट कमका विशेष सहयोगी सुर्दशन रञ्जितलाई यसवर्षको पर्यटन फोटो पत्रकारिता पुरस्कार प्रदान गरिएको छ।
नेपाल फोटो पत्रकार समूहद्वारा राजधानीमा आयोजित फोटो मेलामा प्रधानमन्त्री बाबुराम भट्टराईले शुक्रबार रञ्जितलाई पुरस्कार प्रदान गरेका हुन्।
समूहले रञ्जितसहित पाँचजना फोटो पत्रकारलाई विभिन्न विधामा पुरस्कृत गरेको छ। यसवर्षको साहसिक फोटो पत्रकारिताको अवार्ड दिनेश श्रेष्ठ, खेलकुदतर्फ उदिप्तसिंह क्षेत्री, संस्कृति र सम्पदामा पदमसागर कक्षपति र मनोरञ्जनतर्फ राजभाई सुवाललाई अवार्ड प्रदान गरिएको हो।
पोखरामा रहेर फोटो पत्रकारिता गर्दै आएका रञ्जितले फोटोको माध्यमबाट पोखराको पर्यटनमा विशेष योगदान दिएको भन्दै उनलाई पुरस्कृत गरिएको हो।
रञ्जित विगत १७ वर्षदेखि स्वतन्त्र फोटो पत्रकारको रुपमा पोखरामा रहेर काम गर्दै आएका छन्। यसअघि, एसिया क्षेत्र भित्रको प्रतिस्पर्धामा फोटो अफ द इयर– आइसीसी डेभलपमेन्ट अवार्डबाट रञ्जित पुरस्कृत भइसकेका छन्।
Join Us:
YouTube: http://www.youtube.com/HKNepal
Facebook: http://alturl.com/uvemh
Twitter: http://alturl.com/ffko4
Google+: http://alturl.com/fsu8b
हामीसंगै रहनको लागिः फेसबुक | ट्विटर | गुगल प्लस
