एचकेनेपाल डट कम संवाददाता-
काठमाडौ, १ असोज । लगातारको वर्षाका कारण काठमाडौँबाट विभिन्न स्थानमा जाने आन्तरिक हवाइ उडान प्रभावित भएका छन्।
त्रिभुवन अन्तर्राष्ट्रिय विमानस्थलको आन्तरिक ड्युटी कार्यालयका अनुसार अहिले काठमाडौँबाट विराटनगर, पोखरा, सिमरा, तुम्लिङ्टार, भरतपुरलगायतका क्षेत्रका उडानहरु अवरुद्ध भएका छन्।
खराब मौसकका कारण काठमाडौँबाट पोखरा जान लागेका प्रधानमन्त्री बाबुराम भट्टराई पनि प्रभावित भएका छन्।
प्रधानमन्त्रीको आज बिहान बुद्ध एयरबाट १०:१० बजेको उडानमा पोखरा जाने कार्यक्रम थियो।
कार्यालयका अनुसार आजका लागि तय भएका उडान स्थगन गरिएको भएपनि हालसम्म कुनैपनि विमानको उडान रद्द गरिएको छैन । मौसम सफा हुने बित्तिकै उडानहरु सुचारु हुनेछन् । काठमाडौँबाट हुने अन्तर्राष्ट्रिय उडान भने प्रभावित भएका छैनन्। (रासस)
Join Us:
YouTube: http://www.youtube.com/HKNepal
Facebook: http://alturl.com/uvemh
Twitter: http://alturl.com/ffko4
Google+: http://alturl.com/fsu8b
हामीसंगै रहनको लागिः फेसबुक | ट्विटर | गुगल प्लस
