एचकेनेपाल डट कम संवाददाता-
गुल्मी, २४ भदौ। गुल्मी तम्घासबाट काठमाडौंतर्फ जाँदै गरेको यात्रुवाहक बस बिहान दुर्घटना हुंदा कम्तीमा १४ जनाको मृत्यु भएको छ।
लु १ ख ५५८३ नम्बरको बस गुल्मीको हर्दिनेटा गाविसको लुम्छामा दुर्घटना भएको प्रहरीले जनाएको छ।
दुर्घटनामा मृत्यु भएकाहरुमा गुल्मी तम्घासका विष्णु पन्थी, अर्घाखाँचीका ङबहादुर क्षेत्री, गुल्मी दरबारदेविस्थानकी हरिकला अर्याल, अर्घाखाँची वाग्लाकी चन्दा भुषाल, गुल्मी विरबासका टेकबहादुर सोमु, गुल्मी पीपलधाराकी लक्ष्मी खनाल, गुल्मी अर्खलेका टेकलाल पाण्डे, अर्घाखाँची भगवतीका लालकुमार श्रेष्ठ, गुल्मी तम्घासकी होमकला कुँवर, गुल्मी जैशी थोककी लक्ष्मी खड्का रहेका छन्।
घाईतेहरुलाई उपचारका लागि स्थानीय क्लिनिक र पाल्पाको मिसन अस्पताल लगिएको छ। घाइते हुनेहरुमध्ये केही गम्भीर रहेकाले मृतकको संख्या बढ्न सक्ने जनाइएको छ।
बस सडकबाट करीव २०० मिटर तल खसेको छ। दुर्घटनापछि प्रहरी, स्थानीयबासीलगायत उद्धार कार्यमा जुटेका छन्। घटनाको थप विवरण आउन बाँकी छ।
Join Us:
YouTube: http://www.youtube.com/HKNepal
Facebook: http://alturl.com/uvemh
Twitter: http://alturl.com/ffko4
Google+: http://alturl.com/fsu8b
हामीसंगै रहनको लागिः फेसबुक | ट्विटर | गुगल प्लस
