अनुज उप्रेती/ एचकेनेपाल डट कम-
लण्डन, बेलायतको जेठो साहित्यिक संस्था नेपाली साहित्य विकास परिषद युके र विश्व नेपाली साहित्य महासंघ बेलायत शाखाको संयुक्त आयोजनामा साहित्यकार भीमनिधि तिवारी शतवार्षिकी जन्मजयन्ती कवि गोष्ठी र प्रवचनको आयोजना गरी भब्य रुपमा मनाइयो।
पिटरबोरोस्थित स्टार्टफोर्ड सभा गृहमा शनिवार आयोजना गरिएको समारोहलाई प्रमुख अतिथिको आसनबाट सम्बोधन गर्नु हुँदै राजदूत डा. सुरेशचन्द्र चालिसेले साहित्यका निधि भीमनिधि तिवारी शतबार्षिकी जन्मजयन्तीका अवसरमा यसरी कबिता र कलाको संयोजन गरेर बिदेशी भूमिमा मनाउनु भनेको नेपाल र नेपाली भाषाको पहिचान बढाउनु र गर्विलो बनाउनु हो भन्नु भयो! यस्ता कार्यले अन्तत्वगोत्व देशलाई नै फाईदा पुर्याउँछ भन्नु हुँदै राजदूत डा .चालिसेले साहित्यकार भीमनिधि तिवारीको योगदानको बारेमा चर्चा गर्नु भयो।
समारोहमा नेपाली साहित्य बिकास परिषद यूकेका अध्यक्ष हरिसिंह थापा यति संस्थाका प्रतिनिधि कार्यकारिणी तथा परिषद्का उपाध्यक्ष कवि कोमलप्रसाद श्रेष्ठ मल्ल र परिषदका संस्थापक तथा बिश्व नेपाली साहित्य महासंघका केन्द्रिय उपाध्यक्ष सुरेशजंग शाहले नेपाली साहित्यको श्रीवृद्धि गर्नमा साहित्यकार भीमनिधि तिवारीको योगदान महत्वपूर्ण भएको चर्चा गर्नुहुँदै हामी जहाँ रहेपनि हाम्रो भाषा साहित्य तथा कला जस्ता नेपाली चिनारीहरुलाई जोगाईराख्नु पर्दछ भन्नु भयो।
सभापतिको आशनबाट बोल्नु हुँदै बि.ने.सा.म.संघ बेलायत शाखाका अध्यक्ष समिप हाँङ्बङ्ग जर्जर र स्वागत मन्तब्यमा बोल्नु हुँदै महासंघ युके शाखाका सदस्य केशब भण्डारीलगायत नेपाली साहित्य प्रतिष्ठान युकेका सचिब कबि काङ्बाङ् नरेश राई,गोर्खा नेपाली कक्युनिटीकी कार्यबाहक अध्यक्ष अरुणा राई र पत्रकार गोबिन्द बेलबासेले मन्तव्य दिदै नेपाली भाषा साहित्यको न्यानो पनमा नै हाम्रो परिचय बाँचेको हुन्छ र नेपाली भएको गौरव अडेको हुन्छ। उहाँहरूले भीमनिधि तिवारीको जीवनीबारे प्रकाश पार्नु भएको थियो।
कार्यक्रमको आरम्भमा साहित्यकार कबि भीमनिधि तिवारीको तस्बिरमा प्रमुख अतिथि राजदूत डा.चालिसेबाट माल्यार्पण र साथमा राष्ट्रियगान प्रस्तुत गरिएको थियो।
यसअघि कार्यक्रम संचालन गर्नु हुँदै महासंघ युके शाखाका महासचिव पवन शर्माले कबि भीमनिधि तिवारीको कविता वाचन सहित जीवनी प्रस्तुत गर्नु भएको थियो। महासंघ शाखाका अध्यक्ष हाँङ्बाङ् जर्जरको सभापतित्व र महासचिव पवन शर्माबाट कार्यक्रम संचालन भएको थियो। कार्यक्रममा पिटरबोरो नेपाली समाज संस्थाका अध्यक्ष महेश अधिकारी तथा नेपाली सन्देशका प्रधान सम्पादक बिके पाण्डे,ग्लोबल नेपाल न्युजका प्रधान सम्पादक कबि गोपाल पौड्याल ‘मण्डने ‘ तथा नयाँ सन्देश साप्ताहिकका विजय हिताम लगायत संस्थाका बिभिन्न व्यक्तिहरुको उपस्थिति थियो। कार्यक्रममा आयोजित कवि गोष्ठीमा भाग लिने १४ जना कविहरुमा महर्षि गौतम, कोमल प्र .श्रेष्ठ मल्ल,कवि मण्डने, धनबहादुर थापा, हरिसिंह थापा, शिवराज पन्त, राम बाबु कोइराला , काङ्गबाङ्ग नरेश राई, विजय हितान, दलबहादुर बुढाथोकी, रामहरी पौडेल तथा भरत पाण्डे हुनुहुथ्यो। केही सहभागी कविहरुले समय अभावमा कविता वाचन गर्न पाएनन्। कविता वाचनको शिलशिलामा कवि मण्डनेका गजलहरुलाई समस्त दर्शकहरुले प्रसंसा गरेका थिए।
कार्यक्रमको बीच बीचमा गीत तथा नृत्य कलाको प्रस्तुती समेत रहेको थियो। सोही अवसरमा प्रखर स्वरका धनी युवा गायक सुनिल ज्ञवालीले भक्त राज आचार्यको गीत गाउनु भएको थियो भने कलाकार रितु बेलवासेले शास्त्रीय नृत्य र मनिता ईबिङ्गोले आधुनिक गीत गाएका थिए।
कार्यक्रम भब्य र सभ्य रुपमा मनाउन पिटरबरोस्थित नेपाली समाज पिटरबरो नेपलिज कम्युनिटी संस्था,गोर्खा नेपाली कक्युनिटी संस्थालगायत पत्रकार,साहित्यकार तथा सबै क्षेत्रको उल्लेखनीय सहभागिता र सहयोग रहेको थियो। समारोहमा उपस्थित तथा सहयोगी सबैलाई बिश्व नेपाली महासंघ र नेपाली साहित्य विकास परिषद युकेद्धारा हार्दिक धन्यवाद तथा आभार प्रकट गरिएको थियो।
हामीसंगै रहनको लागिः फेसबुक | ट्विटर | गुगल प्लस
