एचकेनेपाल डट कम संवाददाता-
काठमाडौं साउन २० । सञ्चारकर्मी तनुजा शर्माले गीतकारको रुपमा आफ्नो पहिलो गीति एल्बम ‘नशामा’ बजारमा ल्याएकी छिन्। उनको पहिलो एल्वमको शनिवार राजधानीमा आयोजित कार्यक्रममा विमोचन गरिएको हो।
सात वटा कर्णप्रिय गीत समेटिएको शर्माको पहिलो गीति एल्बम ‘नशामा’ को सञ्चारकर्मी बबिता बस्नेत रिपोर्टर्स क्लब नेपालका अध्यक्ष ऋषि धमला, संगीतकार राजु सिंह र गीतकार शर्मा स्वयंले संयुक्त रुपमा विमोचित गरेका हुन्।
तनुजा शर्माको गीतमा गायक गायिकाहरु शिव परियार, प्रमोद खरेल, दिपक लिम्बु जुना प्रसाई र दुर्गा खरेलले स्वर दिएका छन्।
विमोचित कार्यक्रममा गीतकार तथा संचारकर्मी तनुजा शर्माले आफ्नो धेरै मेहनतको बाबजुद एल्बम ल्याउन सफल भएको सुनाउँदै एल्बममा माया प्रेममा नशा कहाँबाट आउँछ, नशा कस्तो हुन्छ भन्ने भावलाई शब्द समेटिएको बताईन्।
संगीतकार राजु सिंहले मानव जीवनको हरेक उताढ-चढाव नशामा समेटिने गरेको यर्थाथलाई माया प्रेमको नशामा डुबेर लेखिएको तनुजाको एल्बम ‘नशामा’ समय सापेक्ष भएको बताए। रिपोर्टर्स क्लबका अध्यक्ष ऋषि धमलाले सञ्चारकर्मी तनुजा शर्मा बहुआयामिक व्यक्तित्वको धनी भएको भन्दै उनले लेखेको गीति एल्बमले प्रत्येक युवा युवतीहरुलाई गीतको नशामा झुमाउने विश्वास ब्यक्त गरे।
संचारकर्मी बबिता बस्नेतले शर्मालाई आफूले चिनेको धेरै ब्यक्तित्व मध्येकी शिर्जनशिल महिला भएको भन्दै उनको गीति यात्राको सफलताको सुभकामना दिईन्। विमोचन कार्यक्रमलाई तनुजाको गीतमा स्वर दिने गायिका दुर्गा खरेल र जुना प्रसाईँले पनि एल्बममा समेटिएको गीतको बारेमा आ आफ्नो धारणा राखेका थिए।
हामीसंगै रहनको लागिः फेसबुक | ट्विटर | गुगल प्लस
