गजल: अन्तिम खाग जलेर जान्छ….
ओईलेर फूल झरेर जान्छ ।
दुईदिने चोला मरेर जान्छ । ।
हिडदा हिडदै साईत जुर्दा ।
गर्लम्म शरिर ढलेर जान्छ । ।
बिलेर तागत कम्जोरी हुँदै ।
अङ्गको मासी गलेर जान्छ । ।
संसारको रित चलाई राख्न ।
सामुमा पावन छलेर जान्छ । ।
राखेको बखत चित्तामा लास ।
दनदनी आगोमा बलेर जान्छ । ।
पिटेर छाती आफन्त रुदा ।
अन्तिम खाग जलेर जान्छ । ।
ओईलेर फुल झरेर जान्छ ।
दुईदिने चोला मरेर जान्छ । ।
सावारा योङ्हाङ लिम्बु
पाँचथर नागी ५
हामीसंगै रहनको लागिः फेसबुक | ट्विटर | गुगल प्लस
