सन्तोष काफ्ले / एचकेनेपाल डट कम-
धरान, १ असार । जंगली हात्तिको आक्रमणबाट सुनसरीको पाँचकन्याका एक वृद्धको मृत्यु भएको छ।
विहीवार राति घर अगाडि फलैचामा वसिरहेका अवस्थामा एक्कासी हात्तिको आक्रमणबाट पाँचकन्या २ सितल चोकका ६२ वर्षीय भक्तबहादुर श्रेष्ठको मृत्यु भएको हो।
गर्मीको कारण फलैचामा हावा खाएर वसिरहेको अवस्थामा आएको हात्तिले श्रेष्ठलाई उचालेर फाकेको अनि भुइंमा दलेर अन्तिममा खुट्टाले कुल्चेर मारेको प्रत्यक्षदर्शीले बताए।
विभिन्न ६ समूहमा चार कोशे झाडी प्रवेश गरेका हात्तिको एक समूह पाचकन्या प्रवेश गरेको र त्यही समूहको एक हात्तिले श्रेष्ठलाई आक्रमण गरेका स्थानीयले बताएका छन्। यो संगै पाँचकन्यमा अहिलेसम्म हात्तिको आक्रमणबाट ५ जनाको मृत्यु भइकेको छ। यो वर्षमात्रै हात्ति आक्रमणमा एक महिला घाइते भइन् भने लाखौको अन्न बली नष्ट भइसकेको छ। रातिको घटनासंगै पाचकन्याबासी त्रसित भएका छन्।
हामीसंगै रहनको लागिः फेसबुक | ट्विटर | गुगल प्लस
