हुम तमु /एचकेनेपाल डट कम-
पोखरा, २० जेठ । नेकपा एमालेका पोलिटव्युरो सदस्य तथा विघटित संविधानसभाका सदस्य पृथ्वी सुब्बा गुरुङले संविधानसभा मार्फत उत्पीडित जातिको पहिचान सहितको संघीय लोकतान्त्रिक संविधान गर्न नसक्नुमा आदिवासी जनजातिलाई एमालेले विश्वासघात र एकीकृत माओवादीले बेइमान गरेको बताएका छन्।
नेपाल लोकतान्त्रिक आदिवासी जनजाति महासंघ गण्डक धवलागिरीको आयोजनामा शनिवार पोखरामा आयोजित भेलामा विघटित संविधानसभामा आदिवासीवासी जनजाति सभासदहरुको समूह ककसका अध्यक्ष समेत रहेका गुरुङले एमालेको अधिवेशनबाट पारित, संविधानसभाको घोषणापत्रमा प्रतिवद्धता जाहेर गरेको, पार्टीद्वारा प्रस्तुत गरेको राज्यको पुनसंरचनाको खाका सबैलाई लत्याएर आदिवासी जनजातिले चाहेको पहिचान सहितको संघीय प्रदेशको विरुद्ध उभिएर बेइमान गरेको आरोप लगाए।
आफू पोलिटव्युरो सदस्य रहेको पार्टी एमालेका नेताहरु सबै त्याग्न तयार तर पहिचान स्वीकार तयार नभएकोमा दुख व्यक्त गरेका छन्। गुरूङले हामी जातीय पहिचानको पक्षमा अडिग छौं भन्ने एमाओवादी संविधानसभाको नै विघटन गराउने षडयन्त्र गरेकोमा पहिचान चाहने आदिवासी जनजातिहरुलाई अन्तिम समयमा गएर बेइमान गरेको प्रष्ट पारे।
एमालेलाई सच्याउन सकिदैन अव केही समय लगाएर भए पनि उत्पिडित समुदायको गोलवन्दी गरी नयाँ पार्टी खोल्ने पक्षमा आफू रहेको बताउदै तर पनि पार्टीलाई दवाव दिन भने नछोड्ने बताए।
आफूहरुले विगतको अन्ध जातीय अहंकारको अन्त्य गर्दै सम्पूर्ण विविधता पहिचान सहितको प्रदेशको स्थापनाको आन्दोलनमा रहेको बताउदै जातिको राज्य माग्यो भनेर पार्टीभित्रैबाट भ्रम सिर्जना गर्ने काम भएको आरोप लगाए।
कार्यक्रममा विघटित संविधानसभाका सभासद हितकाजी गुरुङले एमालेले सत्तामा पुग्नका लागि पटक पटक गल्ती गरेको बताए। पहिचानको विरुद्धमा पार्टीका नेताहरु उत्रेको देख्दा अचम्ममा परेका गुरुङले पार्टीका नेताहरुलाई कम्तीमा पनि राज्यपुनसंरचनाका लागि पार्टीमा पेश गरेको अवधारणा र संविधानसभाको घोषणापत्र पल्टाएर हेर्न आग्रह गरे। विगतदेखि विभेदमा पारिएका आदिवासी जनजातिले पहिचान खोज्दा अखण्ड नेपालको पक्षमा वकालत गर्ने नेताहरुले पार्टीका कार्यकर्ता र आदिवासी जनजातिको भावनाको अखण्ड खोज्नुपर्छ कि पर्दैन गुरूङको प्रश्न थियो।
नेपाल लोतकान्त्रिक तमु संघको व्यवस्थापनमा एमालेका राष्ट्रिय परिषद सदस्य तथा लोकतान्त्रिक तमु संघका केन्द्रिय उपाध्यक्ष मीना गुरुङको अध्यक्षतामा भएको भेलामा एमाले लमजुंगका अध्यक्ष जमिन्द्रमान घले, नेपाल लोकतान्त्रिक आदिवासी जनजाति महासंघका सचिव धनप्रसाद तामांग, एमाले कास्की क्षेत्र नं. ४ का अध्यक्ष गणेशमान गुरुङ, एमाले राष्ट्रिय परिपद सदस्य तथा लोकतान्त्रिक तमु संघको महासचिव बेदबहादुर गुरुङ, खेमजंग गुरुङ, मदनकाजी श्रेष्ठ, मेजर रामप्रसाद गुरुङ, मनबहादुर गुरुङ, पृथ्वीमान घले, राजेन्द्र गुरुङ, इमान गुरुङ, नरबहादुर गुरुङ, मनकुमार श्रेष्ठ, खसबहादुर गुरुङ, इन्द्र गुरुङ, कुमबहादुर तामांग, हरिमान तामांग, कृष्णबहादुर गुरुङर्,र् इ.देउकाजी गुरुङ, श्रीप्रसाद गुरुङ, क्षेत्रबहादुर गुरुङ, चिजकाजी गुरुङ, गोपालमान गुरुङ, चेतबहादुर गुरुङ, मनसुवा गुरुङलगायत भेलामा सहभागी अधिकांशले अब एमालेले उत्पिडित जनताको भावनाको प्रतिनिधीत्व गर्न नसक्ने भएकाले नयाँ पार्टीको आवाश्यकता रहेकोमा जोड दिएका थिए।
हामीसंगै रहनको लागिः फेसबुक | ट्विटर | गुगल प्लस
