एचकेनेपाल डट कम संवाददाता-
डडेल्धुरा , १७ जेठ । अछामबाट डोटीतर्फ आइरहेको यात्रुवाहक जीप बुधबार बिहान सिर्मामा दुर्घटना हुंदा मृत्यु हुनेको संख्या १२ पुगेको छ। घटनामा एक दर्जन बढी घाइते भएका छन्।
ना १ ज ३२६१ नम्बरको जीप बिहान ९:३० बजे दुर्घटना भएको प्रहरीले जनाएको छ। २२ जना यात्रु बोकेको जीप दुर्घटनाको कारण थाहा हुन सकेको छैन।
तीन जनाको घटनास्थलैमा र अन्यको सिलगुढी जिल्ला अस्पताल ल्याउंदै गर्दा बाटोमा मृत्यु भएको जनाइएको छ।
दुर्घटनामा मृत्युहुनेहरुमा काडामाण्डौकी २ वर्षीया रिया बोगटी, गैरागाउँ ३ की ३५ वर्षीया गौरी देवी खड्का, गैरागाउँ २ की ३५ वर्षीया खिरु देवी वोहरा, ४ वर्षीया तुलसी वोहरा, वगलेक गाविसकी ३५ वर्षीया जुनु विष्ट, वगग्लेक कुडासैनका टेक ठकुल्ला र खिर्सैन ९ की ३८ वर्षीया भागरती ऐर, काडामाण्डौकी ३५ वर्षीया ज्ञानु विष्ट, गाजरी ९ की पाटा भण्डारी, गैरागाउँ ४ का खेम बोहरा र तुलसी देवी विक रहेका छन्। मृत्यु भएका एक जनाको सनाखत हुन नसकेको प्रहरीले जनाएको छ।
हामीसंगै रहनको लागिः फेसबुक | ट्विटर | गुगल प्लस
