सन्तोष काफ्ले / एचकेनेपाल डट कम-
धरान, १५ जेठ । धरानमा सम्पन्न मैत्रीपूर्ण महिला बास्केटबल प्रतियोगितामा नेपालले नेरल्याण्डलाई पराजित गरेको छ।
धरानस्थित वीपी कोइराला स्वास्थ्य विज्ञान प्रतिष्ठानको बास्केटबल कोणमा मंगलवार सम्पन्न प्रतियोगितामा नेपालले १८ का विरुद्ध ३४ स्कोर गर्दै पराजित गरेको हो।
नेपालको तर्फबाट प्रतिष्ठानको टोली र नेदरल्यण्डको तर्फाबाट म्याट्रिक्स विश्व विद्यालयमा अध्ययनरत विद्यार्थीहरुले प्रतिस्पर्धा गरेका थिए। अत्यन्तै रोचक खेलमा नेपालले १२, ८, ८, १२ को स्कोर गरेको थियो भने नेदरल्याण्डले ६,४, ४, ४, को स्कोर गरेको थियो। खेलमा प्रतिष्ठनकाकी कृती मित्तलले एक्लै २५ स्कोर गरेकी थिइन्।
म्याट्रिक्स विश्व विद्यालयबाट इन्टरसिपको लागि प्रतिष्ठानमा आएको नेदरल्याण्डका विद्यार्थीहरुले पहिलो पटक मैत्रीपूर्ण बास्केटबलमा प्रतिष्ठानको टोलीसंग प्रतिष्पर्धा गरेको हो। प्रतिष्ठानमा प्रत्येक वर्ष सो विश्व विद्यालयबाट १० देखि १२ जनासम्म विद्यार्थीहरु आउने गरेका छन्।
हामीसंगै रहनको लागिः फेसबुक | ट्विटर | गुगल प्लस
