Namaste ! Welcome to HKNepal.com | एचकेनेपाल डट कम, हङकङ | First Nepali Internet Magazine in Hong Kong

दुई पत्रकारलाई पुरस्कृत गरिने

एचकेनेपाल डट कम संवाददाता-
काठमाडौ, १२ फागुण । राजधानीमा सञ्चालित प्रतिष्ठित राय स्कुलले आफ्नो स्थापनाको १२ औ बार्षिक उत्सवमा दुई सञ्चारकर्मीलाई पुरस्कृत गरिने भएको छ।

आगामी फागुण १४ गते राजधानीको प्रज्ञा प्रतिष्ठानमा आयोजना हुने बार्षिक उत्सव कार्यक्रममा आजको आवाज मिडियाका अध्यक्ष श्याम तण्डुकार तथा गोर्खा एमएमका प्रमुख प्रकास थापालाई सम्मान गर्न लागिएको शुक्रवार रिपोर्टर्स क्लब नेपालमा आयोजित पत्रकार सम्मेलनमा जानकारी दिईयो।

पत्रकारहरुलाई नगद ५ हजार रुपैयाँ नगद राशिसहितको सम्मान गरिने पत्रकार सम्मेलनमा स्कुलका प्रशासन प्रमुख केपी पाण्डेले बताए। स्कुलले सो सम्मान सन् २०१० मा नेपाल पत्रकार महासंघका तत्कालिन महासचिव पोषण पाण्डे र २०११ मा शिक्षा पत्रकार संघका अध्यक्ष प्रकास सिलवाललाई प्रदान गरेको थियो।

सशस्त्र प्रहरीका आईजीपी शैलेन्द्रकुमार श्रेष्ठको प्रमुख अथितिमा हुने बार्षिक उत्सव कार्यक्रममा विद्यालयका शिक्षक, विद्यार्थी र रचनात्मक क्रियाकलापका विजेताहरुलाई सम्मान तथा पुरस्कार वितरण गर्ने कार्यक्रम पनि रहेको छ।

सन् २००० मा काठमाडौको ज्ञानेश्वरमा स्थापना भई हाल जोरपाटीमा समेत विस्तारित भएको सो स्कुल सीवीएसइ बोर्ड भारत अर्न्तगत सञ्चालित प्राईभेट विद्यालय हो।

हामीसंगै रहनको लागिः फेसबुक | ट्विटर | गुगल प्लस
 
 

About the author

More posts by