एचकेनेपाल डट कम संवाददाता-
बेलायत, ११ फाल्गुन । अफ्गानिस्तानमा मारिएका बेलायती गोर्खा सैनिक पोखराका गजबहादुर गुरूङको बेलायतको अल्डरसोटमा बुधवार अन्तिम संस्कार गरिएको छ।
हेर्नुहोस् भिडियोः
लान्स कोरपरल गुरूङको अन्तिम संस्कारमा गोर्खालीहरूसहित हजारभन्दा बढी सहभागी थिए। फस्ट बटालियन योर्कशिर रेजिमेन्टमा कार्यरत २६ वर्षीय गुरूङको गत जनवरीमा मृत्यु भएको थियो।
अफ्गानिस्तानको हेल्मण्ड क्षेत्रको खार निकामा पैदल गस्तीमा रहेको बेला बिद्रोही हतियारधारी समूहको गोली प्रहारबाट उनको मृत्यु भएको हो।
तस्वीर सौजन्यः बेलायती रक्षा मन्त्रालय
१९८५ अक्टोबर १६ मझठाना कास्की नेपालमा जन्मेका गुरूङ पोखराबाट २००४ मा बेलायती गोर्खा सैनिकमा भर्ती भएका थिए।
आफ्नो सैनिक करियारमा उनी तीन पटक अफगानिस्तान पुगेका थिए।
उनको मृत्युसंगै ‘अफगानिस्तान अप्रेशन’ मा मृत्यु भएका बेलायती सैनिकको संख्या ३९७ पुगेको छ।
अब सम्झना मात्रै।
यो पनि पढ्नुहोस्
अफगानिस्तानमा मारिएका विजयको अन्तिम संस्कार
हामीसंगै रहनको लागिः फेसबुक | ट्विटर | गुगल प्लस
