सन्तोष काफ्ले / एचकेनेपाल डट कम-
धरान, ६ जेठ । बन्दको पूर्वसन्ध्यामा आदिवासी जनजाति संयुक्त संर्घष समितिले निकालेको मसाल जुलुसमा शनिवार साँझ प्रहरीले १५ सेल अश्रुग्यास तथा २ राउण्ड हवाइ फायर गरेको छ।
समितिले निकालेको मसाल जुलुसलाई प्रहरीले हस्तक्षेप गर्ने क्रममा एचकेनेपाल डट कमका प्रतिनिधीसहित एक दर्जन घाइते भएका छन्।
घाइते हुनेहरुमा एचके नेपाल डट कमका प्रतिनिधी सन्तोष काफ्ले, जनजातिका तर्फबाट देवाहाङ राई, सुदर्शन श्रेष्ठ र सुदर्शन थापा मगरलगायत रहेका छन्।
प्रहरीतर्फ सई सुमन न्यौपाने, असई शिवनारायण यादव, प्र.ह. दिवस खतिवडा, प्र.ज.मणिराम प्रधान र निरज सिंह र प्रह प्रकाश तामाङ रहेको प्रहरीले जनाएको छ।
मकालुकर्मी प्रहरीले हानेको अश्रुग्याँस तथा ढुंगा लागेर सामान्य घाइते भएका हुन् भने प्रहरी तथा अन्य सामान्य घाइते भएका छन्। भोलिको बन्दलाई सफल बनाउने उद्धेश्यले धरान १२ चतरालाइनबाट निकालेको मसाल जुलुसलाई प्रहरी कलेज रोड अगाडि अवरोध गरेको थियो।
प्रहरीको अवरोधका वावजुत पनि आन्दोलनकारीले मसाल भानुचोकसम्म ल्याएपछि प्रहरीले हस्तक्षेप गरेपछि दुवैतर्फ झडप सुरु भएको थियो। मसाल ल्याउने युवाबाट मसाल खोसेपछि स्थिति सामान्य वन्दै गएको अवस्थामा एक प्रहरीले जनजातिका कार्यकर्तालाई लक्षित गरि ढुंगा मुढा प्रहार गरेपछि धरानको भानु चौक तवानग्रस्त भएको थियो। तनाव सुरु भएपछि प्रहरीले १५ सेल अश्रुग्यास तथा २ राउण्ड हवाइ फायर गरेको थियो।
पहिचानसहितको जातीय संघीय राज्य हुनुपर्ने, आदिवासी जनजातिलाईलाई पनि समान अधिकार दिनुपर्ने, विगतमा भएका सरकार र आदिवासी जनजातिबीच भएको २० बुदे सम्झौता कार्यान्वयन हुनुपर्ने लगायतका माग राखी भोलिबाट तीन दिन बन्दको आवहान गरेको वन्द सफल गराउन शनिवार मसाल प्रदर्शन गरेको हो।
हामीसंगै रहनको लागिः फेसबुक | ट्विटर | गुगल प्लस
