एचकेनेपाल डट कम संवाददाता-
पोखरा, २ जेठ । शनिवार विहान जोमसोममा भएको अग्नि एयरको विमान दुर्घटनामा एक भारतीय बालकलाकारको पनि मृत्यु भएको छ।
मृत्यु हुनेमा १४ वर्षीया बालकलाकार तरुणी सचदेव रहेकी छन्। उनी आफ्नी आमा गीता सचदेवसंगै विमान दुर्घटनामा मृत्यु भएकी हुन्।
तस्विर सौजन्य एनडीटिभि
तरूणीले अमिताभ बच्चनसँगै फिल्म ‘पा’मा अभिनय गरेकी थिइन् भने दुई मलायलम फिल्ममा समेत अभिनय गरेकी थिइन्। शाहरुख खानले सञ्चालन गरेको रियालिटी टिभि शो ‘क्या आप पाचवी पास से तेज है?’ मा समेत उनी देखा परेकी थिइन्। भारतीय सञ्चारमाध्यम एनडीटिभीका अनुसार झण्डै ५० वटा विज्ञापनमा उनले अभिनय गरेकी थिइन्।
अभिताभ बच्चनले तरूणीको निधनप्रति ट्विट गर्दै दुःख व्यक्त गरेका छन्र। त्यसैगरी, अभिषेक बच्चनले पनि आफ्नी क्युटेस्ट को-स्टार तरूणीको निधनले स्तव्धमा भएको ट्विटरमा उल्लेख गरेका छन्।
तरूणीसंगै रहेका दुई बालिका भने घाइते अवस्थामा मणिपाल शिक्षण अस्पतालमा उपचार भइरहेको छ।
तरूणीले अभिनय गरेका थुपै विज्ञापनहरूमध्ये एक
हामीसंगै रहनको लागिः फेसबुक | ट्विटर | गुगल प्लस
