आम्भु जेठा / एचकेनेपाल डट कम-
हङकङ, २३ अप्रिल । मञ्च संवन्द्घ संघिय लिम्बुवान राज्य परिषद, प्रवास कार्य समिति हङकङको आइतवार दोश्रो अधिवेशन सम्पन्न भएको छ। आत्मनिर्णयको अधिकार, अग्र अधिकार र जातिय पहिचान सहितको अरुण सप्तकोशी पूर्व लिम्बुवान स्वायत्त राज्य स्थापनको लागि भन्ने मूख्य नारासहित कार्यक्रम संचालन भएको थियो।
ऐतिहासिक दोश्रो अधिवेशनमा शुभकामना दिदै जनजाति पत्रकार महासंघ हङकङ अध्यक्ष भूपेन्द्र चेम्जोङले हामी प्रवासमा वसेपनि नेपालको वारेमा चासो र चिन्ता भइ रहेको वताए। उनले नेपालमा तीन दलको शीर्ष नेताहरुले आदिवासी जनजातिहरुलाई दुई सय चालिस वर्ष पछाडि फर्काउने षड्यन्त्र गरिरहेको आरोप लगाए। राज्य पुर्नंसरचना आयोगमा वहुमतद्वारा पारित १४ प्रदेशको संघिय निमार्ण स्वागत योग्य भएको चेम्जोङले बताए।
तस्वीरः आम्भु जेठा / एचकेनेपाल डट कम
एकीकृत नेकपा माओवदी हङकङ जिल्ला पार्टी सचिव जे. बी. ओख्राबुले जातिय पहिचान सहितको राज्य पुर्नंसंरचाना हुनुको विकल्प नरहेको वताए। उनले जातिय पहिचान सहितको राज्य पुर्नंसरचना सवैको साझा मुद्घा भएकोले सवैलाई एक जुट हुन आग्रह गरे। साझा मुद्घालाई संविधान सभाले संवोधन नगरेमा मोर्चाबन्दी भएर संघर्ष गर्नु पर्ने ओख्रावुले बताए।
लोकतान्त्रिक किरात लिम्बु संघ (नेकपा एमाले) हङकङका संयोज ओमराज सम्बाहाम्फेले जातिय पहिचान सहितको राज्य पुर्नंसरचनाको विकल्प दिएमा छलफल गर्न सकिने बताए। उनले संघियताको सवालमा पार्टीले कारवाही गरे पनि पहिचान सहितको संघियताको मुद्घालाई आफूहरुले नछोड्ने बताए। शीर्ष नेताहरुको जातिय पहिचान विरुद्घको निर्णय एमालेले नमान्ने सम्वाहाम्फेले बताए।
जातिय पहिचान सहितको राज्य पुर्नंसरचना सवैको साझा सवाल भएको र आत्मनिर्णय अधिकार, अग्र अधिकार सहितको लिम्बुवान राज्य तथा हाम्रो मिलन विन्दु भनेको लिम्बुवान राज्यनै हो भन्दै किरात याक्थुङ चुम्लुङका अध्यक्ष कृष्णराज लावती, लिम्बुवान राष्ट्रिय मोर्चाका महासचिव अधिचन्द्र इङनाम, लिम्बुवान राष्ट्रिय मुक्ति मोर्चा प्रवास समिति हङकङका सचिव रविन लिङदेन, किरात धर्म तथा सहित्य उत्थान संघका सचिव इन्द्र लक्समले दोश्रो अधिवेशनलाई शुभकामना दिदै आ–आफ्नो धारण ब्यक्त गरेका थिए।
मञ्चका अध्यक्ष (निर्वतमान) नवराज काम्बाङको अध्यक्षतामा भएको दोश्रो ऐतिहासिक अधिवेशनमा सचिव (निर्वतमान) हरिश चन्द्र लावतीले कार्यक्रम संचालन गरेका थिए। उक्त अधिवेशनमा मञ्चका आइलेण्ड इलाका कमिटि अध्यक्ष कुमारहङ हुक्पा चोङवाङले स्वागत मन्तब्य गरेका थिए।
दोश्रो अधिवेशनको खुला सत्र सकिए लगतै इन्द्र लक्समको अध्यक्षतामा श्याम इङनाम र नविन साँवा सहितको तीन सदसिय निर्वाचन मण्डल आयोग गठन भएको थियो। वन्द सत्रभित्र निर्वतमान अध्यक्ष नवराज काम्बाङले सांगठनिक प्रतिवेदन प्रस्तुत गरेका थिए। आर्थिक प्रतिवेदन कोषाध्यक्ष हर्क सेनेहाङले प्रस्तुत गरेका थिए।
प्रतिवेदन प्रस्तुत र छलफल सकिएपछि नयाँ २१ सदस्यीय कार्य समितिकोको चयन भएको थियो।
अध्यक्ष : विष्णु इङनाम
उपाध्यक्ष : हरिश चन्द्र लावती
उपाध्यक्ष : पे्रम चोङवाङ
सचिव : झरमान लिङदेन
सहसचिव : सुदा इङनाम
कोषाध्यक्ष : हर्क सेनेहाङ
सहकोषाध्यक्ष : छत्र हुक्पा चोङवाङ
सदस्य : लक्षमण नेम्वाङ
सदस्य : किशोर पन्धाक
सदस्य : अनिल साम्रा
सदस्य : बरधोज ओख्रावु
सदस्य : कुवेर हुक्पा चोङबाङ
सदस्य : नन्द राइ
सदस्य : पुर्ण नाल्बो
सदस्य : मान बहादुर नाल्बो
सदस्य : विष्णु कन्दङवा
सदस्य : उत्तम थाम्सुहाङ
सदस्य : खड्ग सेन्दाङ
सदस्य : सुरेन्द्र लिङदेन
सदस्य : सरन थाङदेन
सदस्य : शंकर लावती
हामीसंगै रहनको लागिः फेसबुक | ट्विटर | गुगल प्लस
