राज गुरूङ/ एचकेनेपाल डट कम-
पोखरा, ९ बैशाख । नेपाली छापा माध्यम राष्ट्रिय सञ्जालद्वारा पत्रकारद्वारा सञ्चालित छापा माध्यमहरुको स्तरोन्नति” विषयक दुई दिन कार्यशाला शनिबार सम्पन्न भएको छ।
पश्चिमाञ्चल बिकास क्षेत्रबाट प्रकाशित बिभिन्न पत्रपत्रिकाका करीव ६५ जना सम्पादकहरुको सहभागिता रहेको तालिममा नेपाली भाषालाई कसरी पाठकलै बुझ्ने खालको बनाउने,मुलुकमा पत्रकारिताको माध्यमद्धारा सर्वसाधारणको हितमा कसरी लाग्ने, मुलुकको कठिन अबस्थामा पत्रकारहरुद्धारा सञ्चालित अबस्थाका चुनौती लगायतका बिषयमा गम्भीर छलफल गरि सम्पन्न गरेको छ।
कार्यशालामा प्रशिक्षकहरु ध्रुबहरि अधिकारी, शरदचन्द्र वस्तीलगायतले प्रशिक्षण दिएका थिए। यसैबीच समापन कार्यक्रममा बोल्दै नेपाली छापा माध्यम राष्ट्रिय सञ्जालका केन्द्रिय अध्यक्ष देब प्रकाश त्रिपाठीले प्रजातन्त्र संकटमा पर्दा साना मिडियाले खेलेको भूमिका कम चुनौतीपूर्ण नरहेको बताउंदै तिनको संरक्षण गर्ने दायित्व पनि प्रजातन्त्र बहाली पछिको सरकारले लिनुपर्ने बताए।
सञ्जालका उपाध्यक्ष शम्भु श्रेष्ठले पत्रकारहरु आफनो जिम्मेवारी भुल्दै अनाबश्यक बार्गेनिङहरुमा लाग्न नहुने बताए। सञ्जालका क्षेत्रिय अध्यक्ष राज बहादुर गुरुङले केन्द्रिकृत सोचलाई त्यग्दै मोफसलका सञ्चार माध्यमको संरक्षणका लागि समानुपातिक बिज्ञापन नीति तत्काल लागु गर्न ध्यानाकर्षण गराए।
क्रान्तिकारी पत्रकार संघका खिल बहादुर भण्डारीले क्रान्तिपछिको मिडियाको समिक्षा हुनुपर्ने बताए। भारतीय राजदूतावास बिपि कोइराला फाउण्डेसनको सहयोगमा सम्पन्न कार्यक्रमको शुक्रबार सञ्चार राज्यमन्त्री सुरिता शाहले उदघाटन गरेका थिए।
हामीसंगै रहनको लागिः फेसबुक | ट्विटर | गुगल प्लस
