सुदीप लिम्बू/ एचकेनेपाल डट कम-
आशफोर्ड,केन्ट युके । सगरमाथा गोर्खा नेपाली समाज आसफोर्ड केन्टले गत वर्ष जस्तै यस पटक पनि आसफोर्डवासी नेपालीमाझ अप्रिल १४ तारिख शनिबार स्थानीय जोन वालिस स्कूल हलमा नेपाली नया वर्ष २०६९ भव्यताका साथ मनाउने भएको छ।
न्यू इयर २०६९ इन आशफोर्ड नाम दिईएको उक्त कार्यक्रमको तयारी अन्तिम चरणमा पुगेको आयोजकले बताएको छ।
कार्यक्रममा शुभकामना आदान प्रदान एवं विविध मनोरन्जनात्मक कार्यक्रमका साथ ‘राफल ड्र‘ हुने आयोजक संस्थाका अध्यक्ष पोपीराज राईले जानकारी दिए।
कार्यक्रम बेलुका साँझ ५ बजेदेखि राती ११ बजेसम्म चल्नेछ। कार्यक्रमको अन्त्यमा स्वादिष्ट नेपाली परिकारका साथै डिजे डान्स् समेत हुने आयोजकले जनाएको छ।
हामीसंगै रहनको लागिः फेसबुक | ट्विटर | गुगल प्लस
