एचकेनेपाल डट कम संवाददाता-
बुटवल, २५ चैत्र । रुपन्देहीको मुर्गियामा शनिवार भएको जीप दुर्घटनामा ६ जनाको मृत्यु र ११ जना घाइते भएका छन्।
घटनास्थलमा ३, अस्पताल लैजादै गर्दा बाटोमा २ र एक जनाको उपचारको क्रममा मृत्यु भएको छ। मृत्यु हुनेहरूमा स्याङ्गजा फेदीखोलाका दिपेश पौडेल र राधा कार्की, गजेडी २ रुपन्देहीका दिपक परियार र कमल परियार, रुपन्देही दुधराक्ष ६ का जागेश्वर चापागाँई र टिकाराम चापागाँई रहेका छन्।
को.१.ख ३११५ नम्बरको बस र लु.१.ज १४८ नम्बरको जीप पर्रोहा गाविस मुर्गियास्थित महेन्द्र राजमार्गमा बिहान साढे ५ बजे एकआपसमा ठोक्किदा थिए। जीप हरैयाबाट बुटवलतर्फ आउँदै गर्दा सो दुर्घटना भएको प्रहरीले जनाएको छ।
हामीसंगै रहनको लागिः फेसबुक | ट्विटर | गुगल प्लस
