एचकेनेपाल डट कम संवाददाता-
बारा, २४ चैत्र । बारामा विहीवार राति ५ वर्षीय बालकको घाँटी थिचेर हत्या भएको छ।
विहीवार साँझ हराएका पिपरपाती गाविस वडा नम्बर ३ का मेवालाल साहका छोरा सन्दीप साहको शव विहान पौने ५ बजे घरछेउ फेला परेको हो।
उनको घाँटी थिचेर हत्या भएको प्रहरीले जनाएको छ। उनको घाँटीमा निलो डाम देखिएको छ। हत्या कसले र किन गरिएको थाहा हुन सकेको छैन। प्रहरीले घटनासम्बन्धी अनुसन्धान थालेको जनाएको छ।
हामीसंगै रहनको लागिः फेसबुक | ट्विटर | गुगल प्लस
