अनुज उप्रेती / एचकेनेपाल डट कम-
लण्डन, बेलायतस्थित नेपालीहरुको जेठो साहित्यिक संस्था नेपाली साहित्य विकास परिषद यूके स्थापित १९९५ को निर्वाचन आगामी २९ अप्रिलका दिन हुने घोषणा भएको छ।
स्थानीय साउथइलिङस्थित मोन्टिज रेष्टुरेण्टमा अप्रिल १ आइतबारका दिन बसेको सातौं कार्यसमितिको पूर्ण वार्षिक बैठकले आगामी दुई बर्षको लागि आठौं कार्यसमितिको निर्वाचन सम्पन्न गर्न परिषदका कार्यालय सचिव कृष्ण भट्टलाई निर्वाचन प्रमुख तोकी निर्वाचन सम्वन्धी सम्पूर्ण अधिकार प्रदान गरेको छ।
बैठले महासचिव र कोसाध्यक्षबाट प्रस्तुत वार्षिक कार्यप्रगति प्रतिवेदन र आर्थिक प्रतिवेदनहरु आवश्यक छलफलपछि पारित गरेको छ भने लक्ष्य पुरा हुन बाँकी लालीगुराँस छैटौ अंक र यूके नेपाली एक चिनारी भाग २ यथाशीघ्र प्रकाशन गर्न पहल गर्ने निर्णय गरेको छ।
बैठकले परिषदमा लागी पर्ने पदाधिकारी एवम् साहित्यकर्मीको उच्चतम कदर गर्दै सयोगदाता र पत्रपत्रिका एबम अनलाइन समाचार सम्पूर्णमा धन्यवाद प्रस्ताव समेत पारित गरेको छ।
परिषदका सँस्थापक तथा महासचिव सुरेशजंग शाहले दिनुभएको जानकारी अनुसार निर्वाचन समितिले निकटतम समयमै निर्वाचन तालिका प्रकाशन गर्ने छ भने आगामी २५ अप्रिल भित्रमा सम्पूर्ण साहित्यकार एवम् साहित्यप्रेमी जनसमाजमा परिषदको सदस्यता ग्रहण गर्नुभै निर्वाचनमा भाग लिनुहुन वा उम्मेद्वार वा मतदाता बन्नु हुन हार्दिक आह्वान गरेको छ।
हामीसंगै रहनको लागिः फेसबुक | ट्विटर | गुगल प्लस
