देवराज राई / एचकेनेपाल डट कम-
हङकङ, २५ मार्च । हङकङमा रहेका पर्वतवासीहरुको साझा मञ्च पर्वत मञ्चले ‘पर्वत साँझ’ सांस्कृतिक कार्यक्रम आयोजना गर्ने भएको छ।
आइतबार सम्पन्न सन्देश प्रवाह कार्यक्रममार्फत जानकारी गराइए अनुसार कार्यक्रम २२ अप्रिलका साँझ युनलङ थियटरमा सम्पन्न हुने छ।
कार्यक्रममा अतिथि कलाकारहरु दुर्गा परियार, रिता थापा, पशुपति शर्मा, इन्दिरा जोशी र गौतम गुरुङकासाथ स्थानीय कलाकारहरु रहने छन्।
कङ्गन रेपटुरेण्टमा सम्पन्न कार्यक्रमका प्रमुखअतिथि मञ्चका भूपू तथा गैरआवासीय नेपाली संघका अध्यक्ष दुर्गाबहादुर गुरुङ रहेका थिए। कार्यक्रम मञ्चका अध्यक्ष विसन गुरुङको अध्यक्षतामा सम्पन्न भएको थियो।
पर्वत साँझबाट संकलन भएको रकम नेत्रविहिनहरुको उपचार शिविरका लागि सहयोग गर्ने जनाइएको छ।
तस्वीरः जगतअम्बु गुरूङ / एचकेनेपाल डट कम
हामीसंगै रहनको लागिः फेसबुक | ट्विटर | गुगल प्लस
