सौरभ श्रेष्ठ / एचकेनेपाल डट कम –
काठमाडौं। महानायक राजेश हमालले पहिलो पटक प्रेमिका सार्वजनिक गरेर विवाह गर्ने पक्का गरेका बेला हँसिया फिल्म निर्माण समूहले यस कुरालाई आफ्नो प्रचारप्रसारमा जोडेका छन्। फिल्म निर्माण समूह चाम्स इन्टरटेनमेन्टले महानायक हमालको विवाहको मिति मिलाउनेलाई फिल्म ‘हँसिया’ को निर्माण समूह बाट चाँदीको हँसिया प्रदान गर्ने भएको छ। 
आगामी जेष्ठ ९ गते प्रदर्शनमा आउने राजेश हमालको महत्वपूर्ण भूमिका रहेको हँसिया अहिले व्यापक प्रचारप्रसारमा लागेको छ। फिल्मकी मुख्य पात्र हेमा श्रेष्ठको अनुपस्थितिमा राजेश हमालले हसियाको प्रोमोशनमा निक्कै साथ् दिईरहेको छ। महानायक हमालको बिबाह प्रसंग अहिलेको हटकेक न्युज बनेको छ। यसैलाई भजाउन निर्माण समूह चाम्स इन्टरटेनमेन्टले राजेश हमाल र उनकी प्रेमिका मधु भट्टराईबीच हुने बिबाह उत्सवको मिति भन्ने भाग्यशाली दर्शकलाई चाँदीको हँसिया सहित महानायक हमालसंग डिनरको समेत व्यवस्था गरेको छ। उतर पठाउन हँसिया फिल्मको फेसबुक पेज www.facebook.com /hasiyanepalifilm लाइक गरि सो पेजमा प्रश्नको उतर दिनपर्नेछ।
प्रेममा परेको करिब ९ वर्षपछि पहिलो पटक प्रेमिका सार्वजनिक गरेका महानायक हमालको बिहेको वास्तविक तिथि भने उनले सार्वजनिक गरिसकेका छैनन्। जेष्ठ १४ मा रिसेप्सन पार्टी राखेका हमालको बिहेको तिथिलाईसमेत आफ्नो प्रचारमा प्रयोग गरेको हँसिया देशभरका ८० वटा हलमा एकसाथ प्रदर्शनमा आउदैछ। हँसियामा राजेश हमालसंगै हेमा श्रेष्ठ, अनुप बिक्रम शाहीको मुख्य भूमिका रहेको छ भने मिस नेपाल रुबी राणा र नायिका प्रियंका कार्कीको अथिति भूमिका रहेको छ। फुल एक्शन फिल्मको रुपमा चर्चा कमाएको हसियाको निर्देशन मिलन चाम्सले गरेका छन् भने निर्माण दुर्गा घलेको रहेको छ। रामै्र पब्लिसिटी कमाएको हसियाले रामै्र ओपेनिङग गर्ने कुरामा निर्माण यूनिट ढुक्क छ।
यो पनि हेर्नुहोस्
राजेश हमालले यसरी राखे प्रेम प्रस्ताव (भिडियो)
हामीसंगै रहनको लागिः फेसबुक | ट्विटर | गुगल प्लस
