इन्द्र थापा मगर/ एचकेनेपाल डट कम-
हङकङ म्याग्दी प्रवासी नेपाली संघ(मोना)हङकङले नेपाली नयाँ वर्ष २०७१ को उपलक्ष्यमा आयोजना गरिएको ‘वानचाइ एवर्डिन हाइकिङ कार्यक्रम’ यही १३ अप्रिल २०१४ मा सम्पन्न भयो।
कार्यक्रमका संयोजक जेवेन्द्र फगामीको नेतृत्वमा विहान १० बजे वानचाइ एक्जिट ‘ए’ बाट शुरु भएर दिनको करीब २ बजे एवर्डिन हुदै दिनको करीब २ बजे नव बुद्ध क्लब हाउसमा आएर सम्पन्न भएको थियो। उक्त कार्यक्रमलाई समाजसेबी सूर्य पुनले स्नाक्स र ड्रिङको स्पोन्सर गरेका थिए। मोना हङकङले यस प्रकारको कार्यक्रम पहिलो पटक गरेको हो। हाइकिङ कार्यक्रममा सहभागी केहिले आगमी दिनहरुमा पनि यस प्रकारको कार्यक्रम गर्नुपर्ने राय व्यक्त गरे।
यसै गरी उक्त दिन मोना हङकङले विदाइ कार्यक्रम गरेर निवर्तमान समितिलाई संघका अध्यक्ष ईन्द्र एलजी थापामगर, प्रमुख अतिथि मोना आइसीसी संयोजक प्रकाश पुन तथा मोना महिला विभाग प्रमुख शिला जुगजालीले खादा तथा फूलको गुच्छाले सम्मान गर्दै विदाइ गरेका थिए। उक्त कार्यक्रममा मोना आइसीसी संयोजक प्रकाश पुन, निवर्तमा अध्यक्ष दल सेर्बुजा, भू.पू. अध्यक्ष तुल्मराज रामजाली, निवर्तमान सहसचिव रुपा चोचाङ्गी, निवर्तमान कोषाध्य कर्ण पुन, निवर्तमान महिला विभाग प्रमुख विना पुनले आफ्नो अनुभव तथा सुझाब मन्तव्य प्रकट गरेका थिए।
प्रमुख अतिथि मोना आइसीसी संयोजक प्रकाश पुन, विशेष अतिथि निवर्तमान अध्यक्ष दल सेर्बुजा, भू.पू. अध्यक्ष तुल्मराज रामजाली थिए भने अतिथिहरुमा निवर्तमान सहसचिव रुपा चोचाङ्गी, निवर्तमा कोषाध्यक्ष कर्ण पुन, निवर्तमा महिला विभाग प्रमुख विना पुन, निवर्तमा साँस्कृतिक विभागका सदस्य मनु पुन, समाजसेवीहरु याम पाइजा र सूर्य पुन थिए।
अध्यक्ष ईन्द्र एलजी थापामगरको अध्यक्षतामा सम्पन उक्त कार्यक्रम सचिव प्रमोद गिरिले संचालन र सहसचिव आशा पुनले स्वागत भाषाण गरेका थिए। उक्त अवसरमा औपचारिकरुपमा बुझबुझारथ कार्यक्रम पनि सम्पन्न गरिएको थियो भने निवर्तमान समितिलाई विदाइ भोजको पनि आयोजना गरिएको थियो।
हामीसंगै रहनको लागिः फेसबुक | ट्विटर | गुगल प्लस
