हरेन्द्र वनेम हरी न्यौपाने / एचकेनेपाल डट कम-
फ्र्यान्क्फोर्ट जर्मनी। २३ मार्च आईतवार २०१४ का दिन जर्मनीमा नेपाली समुदायको लागि मह्त्वपूर्णयोगदान पुर्याउदै आउनु भएका ब्यतित्वहरुको उपस्थितीमा यहाँ बसोबास गर्दै आएका नेपाली समुदायको बीचमा जर्मनीको ईतिहास मै पहिलो पटक संस्थागतरुपमा संयुक्त लगानी सम्बन्धी अन्तर्कृया सम्पन्न गरियो। भेलाले कर्मभूमि जर्मनीमा र आफ्नो जन्मभूमि नेपालमा गर्न सकिने संयुक्त लगानी सम्बन्धि बिषयलाई लिएर ब्यापक छलफल कार्यक्रम गरेको थियो।
गैरआबासीय नेपाली संघ (एनआरएनए) जर्मनीद्वारा आयोजित उक्त कार्यक्रम एनआरएनए जर्मनीका अध्यक्ष हरेन्द्र वनेमको सभापतित्वमा र महासचिव हरि न्यौपाने सन्चालनमा सम्पन्न भएको थियो। कार्यक्रममा एनआरएन अन्तर्राष्ट्रिय समन्वय समितिका प्रमुख हस्तीहरु जस्मा प्रमुख संरक्षक राम प्रताप थापा, महासचिव तथा च्यारिटी टास्कफोर्सका संयोजक कुमार पन्त र सल्लाहकार तथा बस्तु कला निर्यात टास्कफोर्सका संयोजक दिल बहादुर गुरुङ बिशेष उपस्थिती रहेको थियो। साथै अन्य अतिथिहरुमा एनआरएनएका आइ सीसी जर्मनी सदस्य दावा शेर्पा, निवर्तमान आइसीसी सदस्य सन्तोष भट्टराई, युनिभर्सिटी ब्रेमेंन का प्राध्यापक डा. सुमन पोखरेल, फ्राउन्होफेर ईण्ष्टीट्य़ूट काइजर्सलौटर्नका साइण्टिस्ट डा. सुदर्शन तिवारी, ओभर्सिज नेपाली फोरमका कार्यबाहक अध्यक्ष चन्द्र कान्त आर्याल, जनसम्पर्क समिति जर्मनीका सदस्य श्याम खनाल, अन्तराष्ट्रिय कलाकार मंचका उपाध्यक्ष चन्द्र श्रेष्ठ, एनआरएनए जर्मनीका निवर्तमान सल्लाहकार यज्ञ राज सुबेदी र जर्मनीका विभिन्न युनिवर्सिटिमा बिद्याबरिधि गरि रहेका नेपाली बिद्ध्यार्थीहरुको समेत उपस्थिति रहेको थियो। अन्तर्क्रिया कार्यक्रममा बिज्नेस आइटीमा मास्टर्स गरिरहनु भएका शुबोध राज मास्के र युनिवर्सिटी अफ माइन्जमा काम गरिरहनु भएका डा. आसिष कर्माचार्यले छलफलमा ब्यक्त गरिएका बिचारहरुलाई सल्स्लेषित गरेर आलेखको रुपमा तयार पर्दै सम्पूर्ण जर्मनीबासी नेपाली दिदीबहिनी तथा दाजु भाईहरुसमक्ष पुर्याउनु भएको थियो। एनआरएनए जर्मनीका बरिष्ठ उपाध्यक्ष नब राज रोस्याराको संयुक्त लागानी सम्बन्धि अत्यन्त रोचक बिषयहरु समेट्दै गरिएको प्रिजेण्टेसनबाट सुरु भएको उक्त अन्तरक्रिया कार्यक्रमका हरेक पक्षमा उपस्थित बक्ताहरुले आफ्ना सिर्जनात्मक बिचारहरु राखेका थिए।
छलफलको अन्तमा संयुक्त लागनीको लागि जर्मनीबासी धेरै गैरआबासीय नेपालीहरु इच्छुक रहेको देखिन आएकोले यस कार्यलाई मुर्त रुप दिन र पारदर्शी ढंगबाट इच्छुक सबै साथीहरुलाई समेट्दै ठोस योजना बनाएर अघि बढ्ने निष्कर्ष निकालिएको थियो। छलफलमा निस्केको निष्कर्ष अनुसार तत्काललाई जर्मनीमै केन्द्रित भएर संयुक्त लगानी सम्बन्धि योजनाहरु होटेल/ रेष्टुरेण्ट ब्यबसाय र शिक्षामा केन्द्रित भएर तयार पार्ने र त्यस अनुसार अघि बढाउने निर्णय गरिएको छ। शिक्षा सम्बन्धि योजना तयार परिने जिम्मा युनिवर्सिटि अफ ब्रेमेनका प्राध्यापक सुमन पोख्रेल को नेतृत्वमा डा. शुदर्शन तिवारी, नब राज रोस्यारा रहेको तिन सदस्सिय समिति बनाइएको छ भने त्यसको सल्लाहकारमा दिल गुरुङ रहनु भएको छ। त्यसै गरि होटेल सम्बन्धि योजना तयार पार्नको लागि कुमार पन्त, सन्तोष भट्टराई र दावा शेर्पा लाइ जिम्मा दिने निर्णय भएको छ। शिक्षा सम्बन्धि र होटेल सम्बन्धि योजना तयार भए पछि ति योजनाहरुलाई जर्मन निवासी सबै नेपाली दिदी बहिनी तथा दाजु भाइहरुसमक्ष पुर्याएर इच्छुक लगानी कर्ताको पहिचान गर्दै त्यस अनुसार लगानीकर्ताहरुबीच दोश्रो छलफल तथा अन्तर्क्रियाको आयोजना गर्ने जिम्मा एनआरएनएका अध्यक्ष हरेन्द्र वनेम, बरिष्ठ उपाध्यक्ष नब राज रोस्यारा र महासचिव हरि न्यौपानेलाई दिने निर्णय गरिएको छ।
हामीसंगै रहनको लागिः फेसबुक | ट्विटर | गुगल प्लस
