बिनोद श्रेष्ठ क्रान्ति/ एचकेनेपाल डट कम-
दुबई। नव बर्ष २०७१सालको पावन अबसरमा गोरखा सेवा समाज यु.ए.ईले गत बर्ष झै यस बर्ष पनि शुभ कामना अादान प्रदान तथा बनभोज कार्यक्रम गर्ने भएको छ।
अागामी अप्रिल ११ मा दुबईको मम्जार पार्कमा गर्न लागिएको उक्त कार्यक्रममा यु.ए.इ का ख्याति प्राप्त कलाकारका साथ मनोरन्जन तथा यु.ए.इ ब्यापी खुल्ला लोक दोहोरी प्रतियोगिता रहने संस्थाका अध्यक्ष भिम श्रेष्ठले जानकारी दिए।
वैदेशिक रोजगारीको सिलसिलामा प्रवासको मरुभूमिमा रहेता पनि आफ्नै देशको रितिरिवाज, नेपाली विभिन्न परिकारका स्वादसँगै नेपाली सांगितिक माहौलमा रम्न तथा नब बर्ष २०७१को शुभ कामना एक अापसमा साटासाट गर्न उक्त कार्यक्रमको अायोजना गरिएको संस्थाको दाबी छ।
यु.ए.ईमा एक भिन्न पहिचान राख्न सफल यस गोरखा सेवा समाज यु.ए.ईले यस्ता खालका कार्यक्रमले केवल भेटघाट र मनोरञ्जन मात्र नभई, एक आपसमा भाईचाराको सम्बन्ध पनि कायम हुने भएकाले यु.ए.ईमा रहनु भएका सम्पूर्ण दाजुभाई तथा दिदिबहिनीहरूलाई उक्त कार्यक्रममा उपस्थित हुन समेत अाग्रह गरेको छ।
हामीसंगै रहनको लागिः फेसबुक | ट्विटर | गुगल प्लस
