एचकेनेपाल डट कम संवाददाता-
रौतहट, १२ चैत्र । अज्ञात हतियारधारी समूहले रौतहटको बेग्लावेग्लै स्थानमा आइतबार गोली प्रहार गरी दुई जनाको हत्या गरेको छ।
गोली प्रहारबाट मृत्यु हुनेहरूमा रौतहटको गरुडा बैरिया ७ की ३० वर्षीया पुनकली देवी पासवान र मकवानपुर चुरियामाई ९ का १९ वर्षीय विजय ढकाल रहेका छन्।
पुनकलीको शव गरुडा गाविसको उत्तरमा रहेको पानीट्यांकी छेउको उखू खेतमा फेला परेको प्रहरीले जनाएको छ। उनको कञ्चटमा गोली हानी हत्या भएको इलाका प्रहरी कार्यालय गरुडाले जनाएको छ। उनका श्रीमान बिकाउ पासवान रोजगारीको शिलशिलामा भारत गएका छन्। सामान्य घर गृहस्थीमा रहेकी पुनकली देवीको हत्याको के कारण भएको थाहा हुन सकेको छैन।
त्यस्तै, विजय ढकालको शव रौतहटको सखुअवा धमौरा सडक छेउमा बिहान फेला परेको प्रहरीले जनाएको छ। उनको टाउकोमा गोली प्रहार गरी हत्या भएको जनाएको छ।
चारजना अपरिचित यूवकले मलगंवा जाने भन्दै उनले चलाउंदै गरेको बा ८ प २०४४ गाडी भाडामा लिएर लगेका थिए। ती चारचना गाडीसमेत लिएर फरार रहेको जनाइएको छ।
हामीसंगै रहनको लागिः फेसबुक | ट्विटर | गुगल प्लस
