नेपाल पुलिस अन्तिम चारमा
सन्तोष काफ्ले / एचकेनेपाल डट कम-
धरान, १३ चैत्र । भरत खवासको हृयाट्रिकको मद्दतले नेपाल पुलिसले धरानमा जारी १४ औं अन्तर्राष्ट्रिय आमन्त्रण बुढासुब्बा टुवोर्ग गोल्डकपको अन्तिम चारमा स्थान सुरक्षित गरेको छ।
धरानस्थित एन्फा खेलमैदानमा सोमवार भएको खेलमा भुटानको सिएफसीलाई १ का विरुद्ध ३ गोलले पछि पार्दै तीन पटकको विजता पुलिसले अन्तिम चारमा स्थान सुरक्षित गरेकोहो। पुलिसको सेमीमा चिरप्रतिद्धन्दी मनाङसंग भेट हुने छ।
भुटानलाई दवावमा राखेको पुलिसका स्ट्रयाकर भरत खवासले खेल सुरु भएको ३५ औ मिनेटमा जुमानु राईको क्रसपासको सदुपयोग गर्दै सुन्दर गोल गर्दे पुलिसलाई अग्रता दिलाएका दिए। १ गोललेपछि परेपछि केही आक्रमक बनेको भुटानका किड्ले तेन्जिङले दिएको वानटच पासको सदुयोग गर्दै लगतै ३७ औ मिनेटमा गोल गर्दै खेल बराबरीमा पुर्याएका थिए। पूर्वार्द्धमा बराबरीमा खेल सकिएको थियो।
भुटानलाई सुरुवात देखि नै दबाबमा राखेको पुलिसको लागि उत्तर्रार्द्धको ८ मिनेटमा जुमानले देव्रे कर्नरबाट दिएको पासको सदुययोग गर्दे डि वक्सबाट गरेका प्रहारले जाली चुमेको थियो। उतारार्द्धको १३ औ मिनेटमा भुटानका भर पर्दा खेलाडी पिटरले रेड कार्ड पाएपछि भुटान १० खेलाडीमा सिमित भएको मौकालाई सदुपयोग गर्दै खवासले एकल प्रसासमा मैदानको बिचवाट लगेर २० याडबाट गरेका प्रहारलाई गोल गर्दै हृयाट्रिक पुरा गरेका थिए। राष्ट्रिय लिग च्याम्पियन पुलिसको दर्जनौ पटक पोष्ट आक्रमण गरेको भएको भए अपेक्षित गोल गर्न सकेन।
आजको खेलको म्यान आफ् दि म्याच भरत घोषित भए उनले नगल ५ हजार हात पारे। मंगलवार अन्तिम क्वाटर फाइनल पहिलो पटक सहभागी हङकङको नेप्लिज फुटबल टिम र यति हिमालयन शेर्पाबीच हुने छ।
मेघा थ्रीस्टार सेमीफाइनलमा
सन्तोष काफ्ले / एचकेनेपाल डट कम-
धरान, १२ चैत्र । तीन पटकको विजेता मेघा थ्री स्टार १४ औ अन्तर्राष्ट्रिय आमन्त्रण बुढासुब्बा टुबोर्ग गोल्ड कप प्रतियोगिताको सेमी फाइनलमा प्रवेश गरेको छ।
आइतबार क्वाटर फाइनल खेलमा एक पटकको विजेता अफ्रिकन युनाइटेडलाई शून्यका विरुद्ध ३ गोलको फराकिलो अन्तरले पछि पार्दै थ्री स्टारले अन्तिम चारमा स्थान सुरक्षित गरेको हो।
थ्री स्टारका सविन्द्र श्रेष्ठ, बुद्ध चेम्जोङ र बिक्रम लामाले १-१ स्कोर गरे। सविन्द्रले खेल सुरु भएको चार मिनेटमा अनिल ओझाको कर्नर पासलाई सदुपयोग गदै २५ याडबाट गरेको गोल प्रहारले जाली चुमेको थियो भने उत्तरार्द्धको २६ औ मिनेटमा विराट महर्जनको लामो पासलाई सदुयपोग गर्दै गोल गरेका थिए। उनले विपक्षी गोल रक्षक इव्राहिम वसिर अगाडि वढेको मौकामा खाली पोष्टमा गोल गरेका थिए। बिक्रमले भने उत्तार्रार्द्धको इन्जुरी समयमा सन्तोष साहुखलले दिएको पासको सदुपयोग गर्दै उत्कृष्ट गोल गरेका थिए।
तस्वीरः सन्तोष काफ्ले / एचकेनेपाल डट कम
आधा दर्जन बढी राष्ट्रिय खेलाडीसहित मैदानमा आक्रमक रुपमा निस्केको थ्री स्टारले यसअघि गोल्ड कपको सातै नवौ र एघारौ संसकरणको उपाधि उचालि सकेको छ भने अफ्रिकनले आठौ संस्करणको उपाधि हात पारिसकेको छ। ०६२ मै आहा गोल्डकपको उपाधि उचालेको अफ्रिकनले अहिलेसम्म कुनै प्रतियोगितामा उपाधि उचाल्न सकेको छैन।
आइवारवारको म्यान अफ दि म्याच थ्री स्टारका सबिन्द्र श्रेष्ठ घोषित भए उनले नगद पाच हजार हात पारे। सोमवारको खेल तीन पटकको विजेता नेपाल पुलिस र भुटानको सिएफ सी क्लवबीच हुने छ।
लक्ष्मी हुण्डाइ मनाङ मर्स्याङदी क्लव सेमीफाइनलमा
सन्तोष काफ्ले / एचकेनेपाल डट कम-
धरान, ११ चैत्र । शनिवारको उद्घाटन खेलमा साविक विजेता लक्ष्मी हुण्डाइ मनाङ मर्स्याङदी क्लव सेमीफाइनलमा प्रवेश गरेको छ। उद्घाटन खेलमा आयोजक धरान-पूर्वाञ्चललाई शून्यको विरुद्ध १ गोलले पछि पार्दै मनाङ मर्स्याङदीले अन्तिम आठमा स्थान सुरक्षित गरेको हो।
तस्वीरः सन्तोष काफ्ले / एचकेनेपाल डट कम
मनाङ मर्स्याङ्दीका लागि दोस्रो हाफको २९ औ मिनेटमा विदेशी खेलाडी एडेजोला ज्याकोवले सुन्दर गोले गरे। उनले विपक्षी पोष्टको नजिकै बाट सुजल श्रेष्ठको फ्रिकिक प्रहारलाई सदुपयोग गर्दै २० याडवाट गरेको प्रहारले जालि चुमेको थियो। उनलेको एक मात्र गोल नै उद्घाटन खेलको निर्णायक गोल बन्न पुग्यो। ५ विदेशी र २ राष्ट्रिय खेलाडीसहित मैदानमा आक्रमक रुपमा उत्रिएको थियो।
दुइपटक गोल्डकपको उपाधि उचालि सकेको मनाङ यो पटक पनि उपाधिमाथि कब्जा जमाउदै गोल्डकपसंगै यो वर्षको प्रतियोगितामासमेत ह्याट्रिक गर्न दाउमा रहेको छ। उद्घाटन खेलको आयोजक धरानका शेखर लिम्बू म्यान अफ द म्याच घोषणा भए।
हामीसंगै रहनको लागिः फेसबुक | ट्विटर | गुगल प्लस
