सौरभ श्रेष्ठ / एचकेनेपाल डट कम-
धरान, चर्चित गजल गायन जोडी उदय सोतांग र मनिला सोतांगले धरानमा दोस्रो पटक एकल साँझमा प्रस्तुति दिने भएका छन्।
धरानको आवर होम इंग्लिस स्कुलले माघ १६ मा शहीद दिवसको अवसर पारेर सैनिक भवनमा आयोजना गर्ने ‘ग्रान्ड गजल नाईट २’ मा उनीहरुले आफ्ना चर्चित गीत गजलहरु प्रस्तुत गर्ने भएका हुन्। माया नमार, छिनछिनमै, उकाली चढौंला, आधि बाटो हिडेपछि, आज तिम्रो कुरा चल्योलगायतका दर्जनौं चर्चित गीतहरु उदय मनिला सोतांगले कार्यक्रममा प्रत्यक्ष वाद्यवाधनका साथ गाउने छन्।
कार्यक्रममा संयोजक समेत रहेकी गायिका हर्षु राईले पनि गीत गाउने छिन् भने गरिमा डान्स सेन्टर, मुन लाईट डान्स सेन्टर लगायतका आकर्षक नृत्यहरु कार्यक्रममा प्रस्तुत गरिने आयोजकले जनाएको छ।
हामीसंगै रहनको लागिः फेसबुक | ट्विटर | गुगल प्लस
