एचकेनेपाल डट कम संवाददाता-
पोखरा, ११ चैत । पोखराबाट पर्यटक लिन उडेको फिस्टेल एयरको हेलिकप्टर शनिवार दिउंसो बागलुङको ढोरपाटन आरक्षण केन्द्रमा दुर्घटना भएको छ।
हेलिकप्टरको टेलरोटर (पछाडिको पुच्छर) जमिनमा ठोकिएर दुर्घटना भएपनि मानवीय क्षति नभएको पोखरा विमानस्थलका वरिष्ठ अधिकृत अनुप जोशीले बताए।
फिस्टेल एयरलायन्सको ९ एनएकेए हेलिकप्टर विहान ११ बजेतिर ढोरपाटनको लागि उडेको थियो। तीनकुनेस्थित फिस्टेल एयर कार्यालयका एक अधिकारीले दुर्घटनालाई सामान्य बताएका छन्। उनले हेलिकोप्टरको पछाडिको भागको पंखामा सामान्य क्षति पुगेको बताए।
हामीसंगै रहनको लागिः फेसबुक | ट्विटर | गुगल प्लस
