राजकुमार राई/ एचकेनेपाल डट कम-
विगत तीन वर्षदेखि साब्लाबुगं साहित्यिक पत्रिका प्रकाशन गर्दै आएको साब्लाबुगं प्रकाशन हङकङले पुस्तकहरू प्रकाशन गर्ने क्रममा प्रकाश छाङ्छा राईका कविता नामक हालै विमोचन भएको छ।
एक कार्यक्रमबीच कन्याहरू सुरूचि राई र सुम्निमा राईले पुस्तकको लोकार्पण गरेका थिए।
कार्यक्रममा संगीतकार दिनेश सुब्बा प्रमुख अतिथि, हङकङ साहित्यिक प्रठिष्ठानका अध्यक्ष टंक सम्बहाम्फे बिशेष अतिथि, नेपाली महासघंका अध्यक्ष प्रदिप थापा, सनराईज साप्ताहिकका सम्पादक भूपेन्द्र चेम्जोङ्गलगायत अतिथिका रूपमा उपस्थित थिए।
कार्यक्रममा प्रा. डा. गोविन्दराज भट्टराईले नेपालबाट पठाएका शुभकामना सन्देश पढेर सुनाइएको थियो। कार्यक्रममा बालकलाकार शक्ति मादेनले भ्वाइलेन्समा नेपाली सुमधुर धुनहरू बजाएका थिए।
कवि चन्द्रमादेन आङ्छानको उद्घोषण रहेको कार्यक्रममा खड्क राईको स्वागत भाषण रहेको थियो। साब्लाबुंग प्रकाशन हङकङका अध्यक्ष तथा साब्लाबुंग साहित्यिक पत्रिकाका सम्पादक राजकुमार राईले कार्यक्रमको सभापत्तित्व गरेका थिए।
हामीसंगै रहनको लागिः फेसबुक | ट्विटर | गुगल प्लस
