सन्तोष काफ्ले / एचकेनेपाल डट कम-
धरान, वीपी कोइराला स्वास्थ्य विज्ञान प्रतिष्ठानमा बालबालिकाहरुको लागि छुट्टै उपत्यका बाहिर पहिलो पटक बालआकस्मिक कक्ष बुधबारदेखि सञ्चालनमा आएको छ।
रेसेप्सनिष्ट र अब्जवेसन सहितको १६ शैयाको आधुनिक उपकरणहरुजडित कक्ष पेडियाट्रिक इमरजेन्सी बुधबारबाट विधिवत सञ्चालनमा आएको हो। बालआकस्मिक कक्षको प्रतिष्ठानका उपकुलति प्राध्यापक डाक्टर बलभद्रप्रसाद दासले एक कार्यक्रमको आयोजना गरि उद्घाटन गरे। बालआकस्मिक कक्षमा सेन्ट्रल अक्सिजन पाइपलाइन, सक्सन मेसिन, फोटोथेरापी वार्मर र प्यासेन्ट केयर फोटोथेरापी जस्ता आधुनिक मेसीनहरु जडान गरिएको र प्रतिष्ठानका अस्पताल निर्देशक प्राध्यापक डाक्टर अरविन्द सिन्हाले जानकारी दिए। आधुनिक मेसिनहरु जडान गरिएकाले िसकिस्त बिरामी बालबालिकाहरुको उपचार गरि बालमृत्युदरलाई घटाउने योजना रहेको उनको भनाई छ। प्रतिष्ठानको आकस्मिक कक्षमा आउने विरामी मध्ये ४० प्रतिशत बाल बालिका हुने गरेकाले आकस्मिक कक्षमा बिरामीको चाप कम गर्न समेत यो सेवा सुरु गरेको अस्पताल निर्देशक सिन्हाले जानकारी दिए। करिव ५० लाख रुपैयाको लगानीमा स्थापना गरिएको बालइमरजन्सी कक्षमा उपचारपछि एनआइसियु, पिआइसियु, नर्सरी, जेनेरल वार्डमा पठाउने व्यबस्था भएको र बाल बालिकाहरुको उपचारमा सहजता हुने बालइमरजन्सी कक्षकी नर्सिङ इन्चार्ज सकुन्तला गुरुङले बताइन्।
विशेष गरेर डेलिभरिपश्चात आउने समस्या, निमोनिया, भाइरल ज्वरोलगायतका विरामी बच्चालाई प्रतिष्ठानको पहिलो भवनमा रहेको आकस्मिक कक्षमा राखेर उपचार गराउदा अनेकौ समस्या आउने गरेकाले विरामीलाई सहज तरिकाले उपचार गराउन सकियोस् भन्ने उद्देश्यले नै पनि यो कक्ष सञ्चालनमा ल्याइएको उनको भनाई छ। प्रतिष्ठानमा प्रत्येक दिन १० देखि २० जना गर्भवती महिलाहरुको डेलिभरि गराइने र त्यसमध्ये २० देखि ३० प्रतिशतसम्म श्वासप्रश्वास लगायतका रोगको संकमक्र हुने भएकोले पनि यसलाई मध्यनजर गरी डेलिभरी कक्ष नजिकै पेडियाट्रिक आकस्मिक कक्ष सञ्चालन गर्न लागिएको गुरुङ्गको भनाई छ। पेडियाट्रिक इर्मरजेन्सीसंगै नर्सरीमा समेत १० वेड थपिएको छ। यसअघि प्रतिष्ठानको नर्सरीमा ७ वटा मात्र वेड रहेका छन्। प्रतिष्ठानले केही समय अगाडि मा गाइने वाडमा ७ वटा नयाँ वेड थपेको थियो। यो संगै ४ महिनापछि स्त्री रोग विभागमा रहेका आकस्मिक कक्षमा नयाँ वेडसहित अझ सुविधा सम्पन्न बनाउने तथा सोही क्षेत्रमा नै २४ सै घण्टा ल्याव र विल काउन्टरको समेत व्यवस्था गर्ने तयारी सुरु भएको निर्देशक प्राध्यापक डाक्टर अरविन्द सिन्हाले वताए। उनले हाल रहेको एन आइसियु, आसियु र नर्सरीमा समेत शैया थपिने जानकारी दिए। तस्वीरः सन्तोष काफ्ले / एचकेनेपाल डट कम
Join Us:
YouTube: http://www.youtube.com/HKNepal
Like Facebook Fan Page: http://alturl.com/uvemh
Twitter: http://alturl.com/ffko4
Google+: http://alturl.com/fsu8b
हामीसंगै रहनको लागिः फेसबुक | ट्विटर | गुगल प्लस
