एचकेनेपाल डट कम संवाददाता –
काठमाडौं, २४ असोज। अज्ञात समूहको गोली प्रहारबाट गम्भीर घाइते भएका नेकपा एमालेका उम्मेदवार महमुद आलमको विहीवार दिउंसो मृत्यु भएको छ। बारा क्षेत्र नं. ४ का उम्मेदवार तथा एमाले केन्द्रीय सदस्य आलमको उपचारको क्रममा चिकित्सकले मृत घोषित गरेको थिए। गत शुक्रबार बिहान कार्यकर्तासंग कुराकानी गरिरहंदा भारतीय नम्बर प्लेटको मोटरसाइकलमा आएका ३ जनाको समूहले गोली प्रहार गरेको थियो। टाउकोमा गोली लागेर चिन्ताजनक अवस्थामा रहेका आलमको शरीरका सबै अंगले काम गर्न छाडिसकेको थियो। उनी एमाले भातृसंगठन मुस्लिम इतिहाद संघका अध्यक्ष समेत थिए। आलमको शवलाई एमाले मुख्यालय बल्खुमा केही घण्टा राखेर नेपाली सेनाको हेलिकप्टरमा बारा लगिएको छ।
Join Us:
YouTube: http://www.youtube.com/HKNepal
Like Facebook Fan Page: http://alturl.com/uvemh
Twitter: http://alturl.com/ffko4
Google+: http://alturl.com/fsu8b
हामीसंगै रहनको लागिः फेसबुक | ट्विटर | गुगल प्लस
