भिसन राई / एचकेनेपाल डट कम –
काठमाडौं, १५ असोज। गायक राजेश पायल राई र सञ्चारकर्मी विदुरी गिरीले संयुक्त रुपमा गायक अनिल थुलुङ राईको एल्वम ‘ड्रिम’ विमोचन गरेका छन्। 
मंगलबार रोदुङ रेष्टुरेण्टमा सम्पन्न कार्यक्रममा गायक र सञ्चारकर्मीद्वयले एल्वम विमोचन गरेका हुन्। गायक थुलुङको महत्वकांक्षी उक्त एल्वममा पांच वटा आधुनिक र रकपप शैलीका गीतहरु संकलित छन्। एल्वमका संगीतकार तथा गायक विनोद खम्बुको सोलो संगीत रहेको छ। गायक थुलुङको उक्त एल्वममा गीतकार श्रवण मुकारुङ, नरेश भट्टराई, विनोद खम्बु र अनिल थुलुङको शब्द रहेको छ। गायकले आफनो एल्वममा समाविष्ट ‘चर्को भो जमाना’ र ‘भर्खरै यो गाउं छोडी’ बोलको गीतबाट निकै आश गरेको बताए। विमोचन कार्यक्रममा गायकले चर्को भो जमाना बोलको गीत गाएर उपस्थित दर्शकलाई मनोरनजन गराएका थिए। पांचथरका गायक अनिल थुलुङको यो पहिलो एल्वम हो।
Join Us:
YouTube: http://www.youtube.com/HKNepal
Like Facebook Fan Page: http://alturl.com/uvemh
Twitter: http://alturl.com/ffko4
Google+: http://alturl.com/fsu8b
हामीसंगै रहनको लागिः फेसबुक | ट्विटर | गुगल प्लस
