एचकेनेपाल डट कम संवाददाता-
पूर्वमा सौन्दर्य प्रतियोगिताको क्रम बढ्न थालेसंगै यससंग सम्बन्धित गतिविधि पनि बढ्न थालेको छ। आइतवार विर्तामोडमा सौन्दर्य प्रतियोगिता सम्बन्धि अभिमुखीकरण सम्पन्न भएको छ। झापाका विभिन्न स्थानहरुबाट आएका सहभागीहरुलाई मिस पूर्वाञ्चलका क्रियेटिभ डाईरेक्टर राजेन्द्र रिमालले प्रशिक्षण दिएका थिए।
भर्खरै मिस प्रिन्सेस नेपालको विजेता मलिना थापा मगर समेत सहभागी उक्त कार्यक्रममा १८ जनाको सहभागिता थियो। कार्यक्रममा ग्ल्यामरस नेपालका आसिम ज्वयल श्रेष्ठ, लक्ष्मण ज्वयल श्रेष्ठ लगायत अन्य मोडलहरुको पनि सहभागिता रहेको थियो। अभिमुखीकरणमा सौन्दर्य प्रतियोगिताका लागि गर्नु पर्ने तयारी तथा ध्यान दिनु पर्ने महत्वपूर्ण कुराहरुको बारेमा जानकारी गराईएको थियो। त्यसैगरी मोडलिंगमा लाग्न चाहनेहरुका लागि विभिन्न महत्वपूर्ण टिप्सहरु दिईएको थियो। विर्तामोडमा रहेर फेशन सम्बन्धी काम गरिरहेका आसिम श्रेष्ठले यस्ता कार्यक्रमहरु आवश्यक रहेको बताए र यस्ता कार्यक्रमहरुलाई निरन्तरता दिने बताए । यसले फेशन तथा सौन्दर्य प्रतियोगिताको बारेमा सकारात्मक रुपमा विकास गर्न मद्दत गर्ने उल्लेख गरे। सहभागी मेघना थापाले आफू यसअघि सौन्दर्य प्रतियोगितामा भाग लिएको भए पनि धेरै कुरा थाहा नभएको र यो अभिमुखीकरणले आफूलाई स्पष्ट पारेको बताईन्। त्यसैगरी कस्मीता कार्कीले आफूलाई आत्मविश्वास बढेको र अब अन्य सौन्दर्य प्रतियोगिताहरुमा विशेष तयारी गरी भाग लिने जानकारी गराईन्। अभिमुखीकरण तालिम पूर्वका विर्तामोड, दमक, ईटहरी, विराटनगर, धरान लगायतका शहरहरुमा आयोजना गरिदैछ कार्यक्रमका संयोजक सौगात रिजालले जानकारी गराए।
Join Us:
YouTube: http://www.youtube.com/HKNepal
Like Facebook Fan Page: http://alturl.com/uvemh
Twitter: http://alturl.com/ffko4
Google+: http://alturl.com/fsu8b
हामीसंगै रहनको लागिः फेसबुक | ट्विटर | गुगल प्लस
