एचकेनेपाल डट कम सम्वाददाता –
पोखरा, २९ भदौ ।
हिजो आज निहुँ मात्र खोज्छ जिन्दगीले
जता कोल्टे फेरे पनि घोच्छ जिन्दगीले
सञ्चारकर्मी मन क्षेत्रीको यो उद्घोषसँगै पोखरा सभागृहको मञ्चमा माछापुच्छ्रे डान्स एण्ड म्यूजिकल शो–२०७० को १२ औं संस्करण खचाखच भरिएको दर्शकहरूबीच शुभारम्भ भयो।
माछापुच्छ्रे डान्स सेन्टरकै साना साना नानीबाबुहरूको स्वागत नृत्यसँगै प्रमुख अतिथि पूर्व सभासद् एवं एमाओवादीका युवा नेता राजकाजी तमु ‘करण’ र माछापुच्छ्रे डान्स सेन्टरका प्रशिक्षक एवं सञ्चालक सुवास राईले एकैसाथ समुद्घाटन गर्नुभयो। उहाँहरूका साथै चर्चित नेपाली फुटबलर अनिल गुरुङ र चर्चित अन्तर्राष्ट्रिय भलिबल खेलाडी सिपोरा गुरुङ मञ्चमा उत्रिँदा पोखरेली दर्शकले तालीको गडगडाहटले स्वागत गरे।
स्थानीय कलाकार सुजन गुरुङ, श्रीमान थुलुङ, खिम गुरुङ प्हाए अलीसँगै जय परियारले पोखरेलीलाई नचाए। साथै, गायक तथा संगीतकार जय परियारले आफ्नो आउन लागेको एल्बमको गीत साथीभाइलाई सुइँकायो रेलैले, म दुःखीलाई फर्कायो ट्याक्टरले भन्ने बोलको गीत सालैजो भाकामा गाउँदा दर्शकले पनि साथ दिए। चर्चित लोकदोहोरी गायिका राधिका हमालले नचाइन् भने सुगम संगीतकी चर्चित गायिका रजिना रिमालका गीतहरूले समेत हललाई रोमाञ्चक बनायो।
लोकदोहोरीका चर्चित गायक राजु परियार मञ्चमा आउँदा लोकदोहोरीका पारखीहरूले उठेरै स्वागत गरे । त्यतिमात्र होइन राजु परियारले दुराडाँडे दाइ र कोदो रोप्दा लाएको पिरती छुट्यो तोरी फुल्ने बेलामा गाउँदै प्रमुख अतिथि र माछापुच्छ«े नृत्य प्रशिक्षण केन्द्रका सल्लाहकार एवं दर्शकलाई समेत नचाए। कार्यक्रमका संयोजक एवं केन्द्रका प्रशिक्षक तथा सञ्चालक सुवास राईले अब चोटहरूले पिरोल्दैन मलाई गीतमा ट्युबलाइट डान्स गर्दा तालीको गडगडाहटका साथै आर्थिक सहयोगको पनि ओइरो नै चल्यो।
हास्य कलाकार सीताराम कट्टेल, बल्छी धुर्मेलगायतले दर्शकलाई भरपूर हँसाउन सफल भए भने सुगम संगीतका अर्का नायक शिव परियारले क्या दामी भो गाउँदा सबै दर्शक दीर्घाबाट उठेर नाचेर साथ दिए। वान्स मोरको ताली लगातार आइरहेपछि सातवटा हिट गीत गाइसकेपछि पनि क्या दामी भोलाई शिव परियारले दोहो¥याए। बी बोइङ, कौरा, आधुनिक, लोक सबै नृत्यको सम्मिश्रणमा अझै कार्यक्रमलाई पोखरामै पहिलोपटक यति भरिएको हल कार्यक्रमको सुरुबाट अन्त्यसम्म रातको पर्वाह नगरी दर्शकको साथ कलाकारले पाइरहेका थिए। कार्यक्रमको उत्तराद्र्धतिर संयोजक सुवास राईकै कमेडी नृत्यले दर्शकलाई पेट मिचिमिची हँसायो भने राजु परियार र राधिका हमालको दोहोरीले सबैलाई मनोरञ्जन दिनुका साथै नचायो।
कार्यक्रममा सहभागी दर्शकले १३ औं संस्करणमा सहभागी हुने प्रतिज्ञा समेत गरे। हलभरि खचाखच भरिएका दर्शक सिट नपाएर हलको गेटमा उभिएरै पनि कार्यक्रम हेरेका थिए । कार्यक्रम सकिएपछि आयोजक संस्था माछापुच्छ्रे नृत्य प्रशिक्षण केन्द्रका प्रशिक्षक एवं प्रबन्ध निर्देशक सुवास राईले कार्यक्रम पूरा सफल भएको भन्दै खुशी व्यक्त गर्नुभयो। कार्यक्रम सफल पार्न दर्शकले पूरै साथ दिएकोमा राईले धन्यवाद दिँदै १३ औं संस्करणको कार्यक्रममा समेत दर्शकको यस्तै साथ रहने अपेक्षा प्रकट गर्नुभयो।
तस्बिरः सुदर्शन रञ्जित / एचकेनेपाल डट कम
Join Us:
YouTube: http://www.youtube.com/HKNepal
Like Facebook Fan Page: http://alturl.com/uvemh
Twitter: http://alturl.com/ffko4
Google+: http://alturl.com/fsu8b
हामीसंगै रहनको लागिः फेसबुक | ट्विटर | गुगल प्लस
