दीपेश रेग्मी / एचकेनेपाल डट कम –
स्कटल्याण्ड। स्कटल्याण्डमा सक्रिय रुपमा क्रियाशिल नेपाली संस्था अर्गनाईजेसन फोर नेपलिज कल्चर एन्ड वेलफेयर (ओएनसिडब्लु) को आयोजनामा भब्य रुपमा तीज बिशेष कार्यक्रम सम्पन्न भयो। 
कार्यक्रममा चर्चित लोक गायिका सुनिता दुलाल र स्कटल्यान्डका लागि नेपाली कन्सल जनरल श्रीमती सुनिता पोद्दारलाई जेष्ठ नागरिक श्रीमती सोमा घिमिरेले दोसल्ला ओडाएर सम्मान गर्नु भएको थियो। कार्यक्रममा मन्तब्य ब्यक्त गर्नु हुँदै स्कटल्याण्डका लागि नेपालका अबैतनिक दूत श्रीमती सुनिता पोद्दारले स्कटल्याण्डको नेपाली समुदायको सेवाको लागि आफूले सक्दो सहयोग गर्ने बताउनु भयो। उहाँले नेपाली समुदायमा कुनै समस्या भए आफूलाई सम्पर्क गर्न समेत अनुरोध गर्नु भयो। कार्यक्रममा स्थानीय कलाकारहरूले आकर्षक तीज नृत्य प्रस्तुत गरेका थिए भने गायिका सुनिता दुलालले करीब दुई घण्टासम्म सहभगीहरुलाई लोक गीत र तीज गीतमा नचाएका थिए। आयोजक संस्था ओएनसिडब्लुका अध्यक्ष दीपेश रेग्मीले बिदेशमा बसेता पनि नेपालका कलाकारहरूसँग आफ्नो संस्कृतिमा रमाउन संस्थाले यस्ता कार्यक्रमहरू आयोजना गरिरहने जानकारी दिनु भयो।
Join Us:
YouTube: http://www.youtube.com/HKNepal
Like Facebook Fan Page: http://alturl.com/uvemh
Twitter: http://alturl.com/ffko4
Google+: http://alturl.com/fsu8b
हामीसंगै रहनको लागिः फेसबुक | ट्विटर | गुगल प्लस
