आम्भु जेठा / एचकेनेपाल डट कम –
हङकङमा विगत सात वर्ष यतादेखि नेपाली आदिवासी जनजाति मुलको महावाणिज्यदूत नियुक्तिको मागलाई लिएर आन्दोलनरत जनजाति आन्दोलनको विषयलाई समेटेर वनाएको वृतचित्र अर्थात डकुमेन्ट्रि फिल्म आइतवार कंगन रेष्टुरेण्टको हलमा प्रदर्शन भयो। 
हङकङका स्थानीय नेपाली संघ–सस्थाको अध्यक्ष तथा प्रतिनिधि र पत्रकारहरुलाई मात्र वोलाईएको उक्त वृतचित्र प्रदर्शनको कार्यक्रम पत्रकार संघ हङकङले अनौपचारिक रुपमा संचालन गरेको थियो। पत्रकार संघ हङकङका अध्यक्ष किसन राईले सञ्चालन गरेको अनौपचारिक कार्यक्रममा महावाणिज्यदूत महेशप्रसाद दाहालले वृतचित्र हेरीसकेपछि सम्बोधन गरेका थिए। हङकङ आए यता पहिलो पटक महावाणिज्यदूत दाहालले सार्वजानिक कार्यक्रममा बोल्दै भने “आदिवासी जनजाति महासंघको मागलाई लोजिकल एङगलमा कसरी पुर्याउने र त्यसलाई विन–विनको अवस्थामा कसरी लैजाने भन्ने सवालको मुद्दा हो, त्यसमा दुई पल्ट वार्ता भएको छ। समस्याको सकरात्मक समाधान खोजिनु पर्छ । उनले भने ‘समस्याको समाधान भनेको – महावाणिज्यदूतले कामगर्ने वातावरण वनोस्, संगसगैं आदिवासी जनजाति आन्दोलनले स्वरुप परिवर्तन गरोस् र भोलिको दिनमा हुनसक्ने सम्भावित नियुक्तिमा प्रभावकारी भूमिका खेलोस्।’ महासंघ संग फेरी वार्ता गर्ने, वार्ताद्वारा नै समस्याको सामाधान खाजिनुपर्ने” महावाणिज्यदूत दाहालले आफ्नो कुरा राखे।
आदिवासी जनजाति आन्दोलनको कारण महावाणिज्यदूत दाहाल हङकङ आए यता कुनै पनि सार्वजनिक कार्यक्रममा उपस्थित हुन पाएका छैनन्। दाहाल आएको पाँच महिना वितिसक्दा पनि कुनै कार्यक्रममा औपचारिक रुपले उपस्थित हुन पाएका छैनन्। यस अघिका महावाणिज्यदुतहरु हङकङ आए लगत्तै एनआरएनए र चेम्बवर अफ कमर्स लगायतका संस्थाहरुले स्वागत गर्ने परम्परा थियो । अन्य कार्यक्रममा कार्यक्रमका प्रमुख अतिथिको रुपमा उपस्थित हुने गरेका थिए भने कतिपय ठूला कार्यक्रममा अतिथिको रुपमा उपस्थित हुने चलन रहेको थियो।हङकङमा नेपाली आदिवासी जनजाति मुलको महावाणिज्यदूत हुनुपर्ने माग सात वर्षदेखि हुदै आएको आन्दोलन नेपाल सरकारद्घारा महावाणिज्यदूत महेश प्रसाद दाहाको नियुक्तिले आन्दोलनको रुप झनै चर्किएको थियो। आन्दोलन चर्किरहेकै अवस्थामा पनि दाहाल हङकङ आएर कार्यभार सम्हाले यता आदिवासी जनजाति महासंघ हङकङ झन आक्रोसित वन्यो। कार्यभार संहाले लगतै नेपाली जनजाति महासंघले महावाणिज्यदूत दाहाललाई नेपाल फर्कन समेत सुझाएको थियो।
समस्याको विषयमा हङकङका स्थानीय नेपाली राजनैतिक संघसस्था तथा समाजिक संघसस्थाहरुको प्रतिनिधि र महावाणिज्यदूत दाहालबीच महावाणिज्यदूतावासको कार्यालयमा पटक–पटक छलफल भएको छ। नेपाली आदिवासी जनजाति महासंघ हङकङ संग पनि दुई पल्ट वार्ता भएको छ भने उक्त वार्ताद्घारा समस्याको समाधानको कुनै उपाय निस्कन सकेको छैन।
महासंघले महावाणिज्यदूत दाहाललाई कुनैपनि औपचारिक कार्यक्रममा उपस्थित नजानाईदिनको लागि अनुरोध गर्दै प्रतिकार समिति समेत गठन गरेको छ। प्रतिकार समिति गठन गर्दै महासंघको अनुरोधलाई नमानेको खण्डमा जस्तोसुकै परिणाम भोग्न समेत तयारी हुनको लागि केही महिना अघि एक प्रेस विज्ञप्ति जारि गरेको थियो।
हङकङको नेपाली समाजमा महावाणिज्यदूत दाहाल कठिन अवस्थामा रहेको हङकङका वुद्घिजीवीहरु बताउछन्। कठिन अवस्थालाई चाडैंनै समाधान गर्नुपर्ने पनि वुद्घिजीवीहरु बताउछन्। दाहाल यहाँ आएर आफ्नो कार्यभार संहालिसकेको अवस्थामा महावाणिज्यदूतको नियुक्तिको वार्ता दाहालसंग नभएर सिधै नेपाल सरकार संग गरेमात्र समस्याको समाधान हुने हङकङका केहि वुद्घिजीवीहरु वताउछन्। इथिनिक भ्वाइस साप्ताहिकका प्रधान सम्पादक पत्रकार जे वी पुनले निर्माण गरेको उक्त वृतचित्रमा आदिवासी जनजाति महासंघको आन्दोलन तथा महावाणिज्यदूत विचको समस्या र समस्याको समाधान वारे देखाउन खोजिएको छ। हार र जितको खेल नभइ दुवै पक्षको जित–जितको अवस्थामा समस्याको समाधान हुनुपर्ने वृतचित्रले सन्देश दिन खोजेको छ। वृतचित्रको छायाङकन श्यामसुन्दर थापामगरले गरेका छन्।
Join Us:
YouTube: http://www.youtube.com/HKNepal
Like Facebook Fan Page: http://alturl.com/uvemh
Twitter: http://alturl.com/ffko4
Google+: http://alturl.com/fsu8b
हामीसंगै रहनको लागिः फेसबुक | ट्विटर | गुगल प्लस
