एचकेनेपाल डट कम संवाददाता-
हङकङ, १७ मार्च । के तपाई यतिबेला हङकङमा हुनुहुन्छ ? वा हङकङ भ्रमणमा आउँदै हुनुहुन्छ । यदि त्यसो हो भने भिक्टोरिया पार्कमा सजिसजाउँ गरिएको पुष्प (फूल) प्रदर्शनी हेर्न नभुल्नु होला । बिदाको दिनमा भीडभाड हुने भिक्टोरिया पार्कमा २१ देशबाट दुईसय अधिक संस्थाहरुले ३ लाख ५० हजारभन्दा बढी फूलको गुच्छाहरु ३० हजार अधिक गमलाहरुमा सजाइएका छन् यसैकारण यति बेला उनीहरुले हङकङको रौनक नै परिवर्तन गरिदिएका छन्।
भन्न सकिन्छ भिक्टोरिया पार्क कुनै स्वर्गीय सुन्दर बगैचा सोसरह बनेको छ । तपाईलाई फोटोग्राफीमा सौख छ भने त अझ यो सुनौलो अवसर हो, फूलको तस्बीर लिने, यो मौका नगुमाउनु होला । कल्पनासम्म गर्न नसकिने प्रकृतिका अलौकिक नमुनाहरु, भिन्न संस्कृतिहरु समेट्ने खालका पार्कहरुका नमुना हेर्न लायक नै छन्।
हङकङ सरकारको लिइजर एण्ड कल्चरल सर्भिस डिपार्टमेण्टले वर्षेनी आयोजना गर्दै आएको फूल प्रदर्शनीलाई हङकङ फ्लावर शो प्लाण्ट एक्जिविशन २०१२ नाम दिइएको छ।
मार्च १७ तारिखका दिन भिक्टोरिया पार्क पुग्दा हजारौ मानिसहरुको भीड थियो। सबैको हातमा एसएलआर क्यामेराहरु थिए। फोटोग्राफीलाई बढी मात्रामा प्राथमिकता दिएरै बनाइएका स्टलहरुमा कुनै रोकावट बिना तपाई ढुक्कले तस्वीरहरु लिन सक्नु हुनेछ।
मार्च २५ तारिखसम्म बिहान ९ बजेदेखि रातिको ९ बजेसम्म खुल्लाहुने प्रदर्शनी भर विविध शैक्षिक गतिविधिहरु, मनोरञ्जनात्मक गतिविधिहरु, सांगीतिक गतिविधिहरु समेत आयोजना हुने आयोजकले बताएको छ।
साठी वर्ष नाघेका वृद्धाहरु, अशक्त, अपाङ्गकालागि प्रवेश शुल्कमा ५० प्रतिशत छुट छ तर अन्यलाई भने १४ डलर लाग्ने छ । हङकङमा कति दुःख गर्नुहुन्छ । एकपटक फूलप्रदर्शनी हेर्न त जसरी भएनी जानुस है।
तस्वीरहरूः जगतअम्बु गुरूङ / एचकेनेपाल डट कम, थप तस्वीरहरू हेर्न यहाँ क्लिक गर्नुहोस्।
हामीसंगै रहनको लागिः फेसबुक | ट्विटर | गुगल प्लस
